Khmervital ខ្មែរវ៉ាយថល

Wednesday, July 3, 2013

បញ្ជីឈ្មោះបោះឆ្នោតត្រូវបានចាប់ផ្ដើមបិទផ្សាយនៅគណកម្មការឃុំ-សង្កាត់រៀបចំការបោះឆ្នោត

ដោយ អ៊ឹម រច

លោកទេព និថា អគ្គលេខាធិការគណៈកម្មាធិការជាតិរៀបចំការបោះឆ្នោត

RFI/Pen Bona

ពីមួយឆ្នាំទៅមួយឆ្នាំ គណៈកម្មាធិការជាតិរៀបចំការបោះឆ្នោតបានរៀបចំគ្រប់មធ្យោបាយ ដើម្បីជួយសម្រួលដល់អ្នកបោះឆ្នោតឲ្យងាយរកឃើញឈ្មោះរបស់ពួកគេ ក្នុងបញ្ជីឈ្មោះបោះឆ្នោត។ នៅឆ្នាំនេះ គណៈកម្មាធិការជាតិរៀបចំការបោះឆ្នោត បានចាត់ចែងបិទផ្សាយបញ្ជីឈ្មោះបោះឆ្នោតនៅ គណកម្មការឃុំ-សង្កាត់ តាំងពី១ខែមុនការបោះឆ្នោត ខុសប្លែកពីការបោះឆ្នោតមុនៗ។

ខុសប្លែកពីការបោះឆ្នោតមុនៗ បញ្ជីឈ្មោះបោះឆ្នោតទាំងអស់ ត្រូវបានបិទផ្សាយនៅ គណៈកម្មការឃុំ-សង្កាត់ រៀបចំការបោះឆ្នោត មួយខែមុនការបោះឆ្នោត។ សម្រាប់ការបោះឆ្នោតនីតិកាលទី៤ ឆ្នាំ២០០៨ និងការបោះឆ្នោតជ្រើសរើសក្រុមប្រឹក្សាឃុំ-សង្កាត់ ឆ្នាំ២០១២ បញ្ជីឈ្មោះអ្នកបោះឆ្នោត ត្រូវបានបិទផ្សាយនៅគណៈកម្មការឃុំ-សង្កាត់រៀបចំការបោះឆ្នោត តែ១ថ្ងៃមុនការបោះឆ្នោតប៉ុណ្ណោះ។
លោកទេព នីថា អគ្គលេខាធិការ គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប. ឲ្យដឹងថា ឆ្លងកាត់តាមការប្រជុំជាច្រើនលើកច្រើនសាជាមួយតំណាងគណបក្ស និងអង្គការសង្គមស៊ីវិលកន្លងមក មានការលើកសំណើនេះឡើង ដោយហេតុថា ប្រជាពលរដ្ឋ ចង់ពិនិត្យមើលបញ្ជីបោះឆ្នោតមុន ដើម្បីផ្ទៀងផ្ទាត់ជាមួយឯកសារបញ្ជាក់អត្តសញ្ញាណរបស់គាត់។ លោកបន្តថា ក្នុងករណីដែលឈ្មោះក្នុងបញ្ជីឈ្មោះបោះឆ្នោតខុសពីឯកសារបញ្ជាក់ អត្តសញ្ញាណរបស់គាត់ គាត់ត្រូវរកឯកសារអត្តសញ្ញាណមួយណារបស់គាត់ ដែលត្រឹមត្រូវដូចបញ្ជីឈ្មោះបោះឆ្នោត ដើម្បីបោះឆ្នោត។

លោកទេព នីថា បញ្ជាក់បន្ថែមថា ការបិទបញ្ជីឈ្មោះបោះឆ្នោតយូរ១ខែមុនការបោះ ឆ្នោតនេះ គ្រាន់តែជាការបន្ថែម លើមធ្យោបាយទាំងឡាយដែល គ.ជ.ប. បានធ្វើកន្លងមក ដើម្បីជួយសម្រួលអ្នកបោះឆ្នោតឲ្យងាយរកឃើញឈ្មោះរបស់ខ្លួនក្នុង បញ្ជីឈ្មោះបោះឆ្នោត។

អ្នកបោះឆ្នោត អាចស្វែងរកឈ្មោះរបស់ខ្លួន តាមរយៈគេហទំព័រ www.voterlist.org.kh លេខទូរស័ព្ទពិសេសឥតគិតថ្លៃ៥ខ្សែ គឺ (០១១⁄០១៦⁄០៨១⁄០៨៦⁄០៩៩ ៩៨ ៧៧ ៦៦) និងការចុះចែកប័ណ្ណព័ត៌មានអ្នកបោះឆ្នោតដល់គេហដ្ឋានផ្ទាល់ ដែលបានប្រព្រឹត្តទៅចាប់ពីថ្ងៃទី១ ដល់ថ្ងៃទី២៥ ខែមិថុនា កន្លងមកនេះ៕
ប្រភពពី៖ ខេមរភាសា

ចង្កៀងគោមដុតឆេះរោងចក្រខ្ទេចគ្មានសល់

ករណីអគ្គីភ័យដ៏ធំមួយ បានដុតកម្ទេចកៅស៊ូ ១០០.០០០ តោន នៅរោងចក្រមួយ នាប្រទេសអង់គ្លេស ហើយ “ជនល្មើស” គឺជាចង្កៀងគោម១ ផលិតនៅប្រទេសចិន ។

ករណីអគ្គីភ័យដ៏ធំ នៅរោងចក្រច្នៃផលិតកៅស៊ូ J & A Young នៅ Smethwock, Birangham តំបន់ West Midland នាយប់ថ្ងៃទី៣០ មិថុនា ។

មេប៉ូលីសពន្លត់អគ្គីភ័យ លោក Steve Vincent បានឲ្យដឹងថា អគ្គីភ័យគ្របដណ្តប់លើរោងចក្រទាំងមូល ក្នុងអំឡុងពេលតែ ៨ នាទីប៉ុណ្ណោះ បន្ទាប់ពីចង្កៀងគោម១ បានធ្លាក់ចុះមកលើឃ្លាំងទំនិញ ។ គេបានពិនិត្យឃើញចង្កៀងគោមនេះ តាមរយៈកាមេរ៉ាសុវត្ថិភាព ។

អគ្គីភ័យនេះ មានកម្ពស់ ១៨០០ ម៉ែត្រ

វត្ថុធាតុកៅស៊ូកែច្នៃប្រមាណ ១០០.០០០ តោន ត្រូវឆេះខ្ទេចគ្មានសល់

រថយន្តពន្លត់អគ្គីភ័យ ៣៥ គ្រឿង និងទាហាន ២០០ នាក់ បានបញ្ជូនមកកាន់កន្លែងកើតហេតុ

ទាហានពន្លត់អគ្គីភ័យ ១០ នាក់ រងរបួស ក្នុងប្រតិបត្តិនេះ

ពលរដ្ឋនៅក្បែរនោះ ត្រូវប្រកាសអាសន្នឲ្យបិទបង្អួចទ្វារ ដើម្បីបញ្ជៀសផ្សែង

ទាហានពន្លត់អគ្គីភ័យកំពុងប្រឹងប្រែងយ៉ាងខ្លាំង

ចង្កៀងគោម កំពុងនិយមក្នុងពិធីបុណ្យផ្សេងៗ ហើយគេក៏មានកង្វល់នឹងលទ្ធភាពបង្កអគ្គីភ័យរបស់វាផងដែរ ។

ប្រភពពី៖ ខ្មែរស្ថាបនា

អ្នកភូមិចំនួន ៤ ក្នុងស្រុកបន្ទាយស្រី លើកគ្នាមកតវ៉ាឲ្យអាជ្ញាធរដោះស្រាយ ដីទំនាស់ជាង ៧០០ ហិចតា

សៀមរាប: អ្នកភូមិប្រមាណជិត ១០០ នាក់ មកពីភូមិចំនួន ៤ នៃស្រុកបន្ទាយស្រី នៅព្រឹកថ្ងៃទី៣ ខែកក្កដា បានលើកគ្នាមកតវ៉ាឲ្យអាជ្ញាធរ ខេត្តជួយដោះស្រាយដីទំនាស់ ៧៩៥ ហិចតា ប៉ុន្តែក្រុមអ្នកភូមិបានវិលទៅមូលដ្ឋានរៀងខ្លួនវិញ នៅព្រឹកថ្ងៃដដែល បន្ទាប់ពីមន្ត្រីសាលាខេត្ត បានសម្របសម្រួល។

ភូមិទាំង ៤ ដែលមានដីទំនាស់ រួមមាន ភូមិស្គន់មានដី ១២០ ហិចតា ភូមិត្បែងខាងលិច ៤២៧ ហិចតា ភូមិតាពេន ៩០ ហិចតា និងភូមិតានី ១៥៨ ហិចតា។

ក្រុមអ្នកភូមិ ដែលធ្វើដំណើរដោយគោយន្តកន្ត្រៃ ចំនួន ៦ គ្រឿងនោះ សមត្ថកិច្ចពុំបានអនុញ្ញាតឲ្យចូលទៅកាន់ក្រុងសៀមរាបទេ គឺនៅចរចាគ្នាត្រឹមតែចំណុចរង្វង់មូល ស្រុកបន្ទាយស្រី។

ក្នុងខណៈពេលកំពុងប្រមូលផ្តុំគ្នា បំពងសំឡេងដោយមីក្រូ នៅចំណុចរង្វង់មូល ស្រុកបន្ទាយស្រី អភិបាលស្រុក និងនាយក ប្រតិបត្តិ សាលាខេត្តបានចុះទៅដល់។ ការចរចាគ្នាអំពីការលើកហេតុផល របស់ក្រុមអ្នកភូមិអស់រយៈពេលជាច្រើនម៉ោង ក្រុមអ្នកភូមិក៏បានបំបែកហ្វូង វិលទៅផ្ទះរឿងខ្លួនវិញ។

ក្នុងការជំនួបនោះ លោក លី សំរិទ្ធ នាយកប្រតិបត្តិ សាលាខេត្តសៀមរាប បានលើកឡើងថា ទោះក្នុងករណីណា អាជ្ញាធរនឹងដោះស្រាយជូនបងប្អូន។ ដូច្នេះតំណាង ភូមិទាំង ៤ ត្រូវប្រមូកឯកសារឲ្យបានគ្រប់គ្រាន់ ហើយរសៀលថ្ងៃទី៣ខែកក្កដានេះ អភិបាលរងខេត្ត លោក នូ ផល្លា ចុះទៅដោះស្រាយដល់ភូមិតែម្តង។

គួរបញ្ជាក់ថា ក្រុមអ្នកភូមិខាងលើនេះ ធ្លាប់បានលើកគ្នាមកបិទផ្លូវជាតិលេខ៦ម្តងហើយ នៅចំណុចខាងកើតផ្សារអង្គ្រង ដើម្បីបង្ខំឲ្យអាជ្ញាធរដោះស្រាយដីទំនាស់របស់ពួកគេ។ ចំណែកឯលទ្ធផលយ៉ាងណានោះគឺ អាចដឹងនៅរសៀលថ្ងៃទី៣កក្កដានេះ បន្ទាប់ពីអាជ្ញាធរខេត្តចុះទៅដោះស្រាយដល់ភូមិកើតហេតុ៕

ប្រភពពី៖ khmer-note

Tuesday, July 2, 2013

សាក្សីផ្តល់ចម្លើយផ្ទុយគ្នារឿងសម្លាប់ទ័ពលន់នល់

លោក នួន ជា បងធំទីពីរក្នុងរបបខ្មែរក្រហមដែលជាជនជាប់ចោទក្នុងសំណុំរឿង ០០២។ រូបថត ECCC

ភ្នំពេញៈ ចម្លើយកសិណរបស់សាក្សីលោកពេជ្រ ជឹម នៅសាលាក្តីខ្មែរក្រហម កាលពីម្សិលមិញមានចំណុចផ្ទុយគ្នាជាច្រើនដោយអតីតកម្មាភិបាលថ្នាក់ ស្រុករូបនេះបានកែប្រែសេចក្តីថ្លែងជាច្រើននៅពេលរសៀល ដែលខុសពីអ្វីដែលលោកបានថ្លែងក្នុងពេលសវនាការពេលព្រឹក។

ការផ្លាស់ប្តូរសេចក្តីថ្លែងចំណុចផ្លាស់ប្តូរនេះហាក់ដូចជាកើត ឡើង បន្ទាប់ពីលោក Victor Koppe មេធាវីការពារលោក នួន ជា បានចោទសួរអំពីភាពអាចទុកចិត្តបាន របស់លោក ជឹម លើប្រធានបទសម្លាប់ទាហាន និងមន្រ្តីរបប លន់ នល់ ដោយចុងក្រោយ បានសួរថា តើលោក ជឹម ដែលជាអតីតលេខាធិការស្រុក ផ្ទាល់បានពាក់ព័ន្ធនឹងការសម្លាប់ ពិឃាតសត្រូវដែរឬយ៉ាងណា ទោះផ្ទៃក្នុង ឬផ្ទៃក្រៅក្តី។

ស្រ្តីជាម្ចាស់ហាងកោសជប់ ត្រូវប៉េអឹមទំនើង បាញ់បែកប្រអប់ជើង

ភ្នំពេញ: ស្ត្រីជាម្ចាស់ហាងកោសជប់ម្នាក់ បានរងរបួសបែកប្រអប់ជើងស្តាំ ដោយសារមិនព្រមកោសជប់ឲ្យមន្ត្រីប៉េអឹមទំនើងម្នាក់ ហើយត្រូវប៉េអឹមនោះបាញ់
កាលពីវេលាម៉ោង១២និង៤៥នាទីឈានចូលថ្ងៃទី២ ខែកក្តដា ឆ្នាំ២០១៣នេះ នៅផ្ទះកើតហេតុលេខលេខ២៨២ ផ្លូវលេខ៣៧១
ភូមិអូរបែកក្អម សង្កាត់ទឹកថ្លា ខណ្ឌសែនសុខ។
ស្ត្រីរងគ្រោះមានឈ្មោះ កែវ ស្រីពៅ អាយុ៣៧ឆ្នាំ មុខរបរបើកហាងកោសជប់ ស្នាក់នៅផ្ទះកើតហេតុខាងលើ រងរបួសត្រង់ប្រអប់ជើងឆ្វេង កំពុងសម្រាកព្យាបាលនៅមន្ទីរពេទ្យព្រះកុសមៈ។

ចំណែកប៉េអឹមទំនើងមានឈ្មោះ នី អាយុប្រហែលជាង៣០ឆ្នាំ មានទីលំនៅមិនពិតប្រាកដ ។
ជនល្មើសប្រើប្រាស់អាវុធម៉ាក ប៉េអាកុល។ ក្រោយពីបង្កហេតុបានឡើងជិះរត់យន្ត ម៉ាក ហ៊ីយ៉ាន់ដាយ ពណ៌សំបកឪឡឹក ពាក់ស្លាកលេខ ៧០១០ ចេញ
ទៅដោយសុវត្ថិភាព មិនបង្កឲ្យភ្ងាក់ផ្អើលដល់សមត្ថកិច្ចឡើយ។ សមត្ថកិច្ចខណ្ឌសែនសុខ បានឲ្យដឹងថា មុនពេលកើតហេតុជនល្មើស ជាមន្ត្រីប៉េអឹម បានទៅរកកោសជប់នៅផ្ទះកើតហេតុខាងលើពេលទៅដល់ជនល្មើសមិនព្រម កោសខ្យល់ជាមួយកូនចៅស្ត្រីរងគ្រោះនោះទេ គឺចង់កោសជប់ជាមួយម្ចាស់ហាង តែស្ត្រីរងគ្រោះជាម្ចាស់ហាងជាប់រវល់ឲ្យកូនប៉ៅ។ ក្រោយមកជនល្មើស បានឡើងជិះរថយន្តចេញទៅ ហើយហាងកោសជប់ក៏បានបិទដែរ។
ក្រោយមកជនល្មើស បានដើរត្រឡប់មកហាងកោសជប់វិញ ក៏ដក់កាំភ្លើងពីចង្កេះ បាញ់មាត់ទ្វារចំនួន ៤ គ្រាប់ផ្ទុះ ៣ គ្រាប់បណ្តាលទៅត្រូវប្រអប់ជើងស្ត្រីរងគ្រោះជាម្ចាស់ហាង និង ១ គ្រាប់ស្អុយ ហើយបានរត់គេចខ្លួន៕
ប្រភពពី៖ khmer-note

សមត្ថកិច្ចប្រើហិង្សាលើស្ត្រីអ្នកភូមិបឹងកក់និងបុរីកីឡា

ស្ត្រីបឹងកក់រងអំពើហិង្សាកាលពីម្សិលមិញ។ រូបថត ហេង ជីវ័ន

ស្ត្រីម្នាក់នេះរងនូវការច្របាច់កសើ្ទរស្លាប់ពីកងកម្លាំងសមត្ថកិច្ច កាលពីថ្ងៃម្សិលមិញ នៅពេលដែលគាត់និងសកម្មជនដីធ្លីមកពីសហគមន៍បឹងកក់និងបុរីកីឡា ប្រមាណជាង១០០នាក់ផ្សេងទៀត បានប្រមូលផ្តុំគ្នាតវ៉ានៅលើទ្រូងផ្លូវព្រះមុនីវង្ស មុខសាលារាជធានីភ្នំពេញ ដើម្បីទាមទារឲ្យមានការដោះស្រាយបញ្ហាដីធ្លី។

នៅព្រឹកថ្ងៃអង្គារ ទី២ ខែកក្កដានេះទៀត សកម្មជនដីធ្លីមកពីសហគមន៍បឹងកក់ និងបុរីកីឡាប្រមាណជាង ១០០ នាក់បានប្រមូលផ្ដុំគ្នាតវ៉ា នៅលើទ្រូងផ្លូវព្រះមុនីវង្ស មុខសាលារាជធានីដើម្បីទាមទារឲ្យអាជ្ញាធរពន្លឿននីតិវិធីដោះស្រាយ ជម្លោះដីធ្លីដ៏រ៉ាំរ៉ៃរបស់ពួកគាត់ ឲ្យបានសម្រេចមុនថ្ងៃបោះឆ្នោតមកដល់។

ការតវ៉ារបស់ប្រជាពលរដ្ឋទាំងនេះ ធ្វើឡើងខណៈដែលគណបក្សនយោបាយនីមួយៗ រួមទាំងគណបក្សប្រជាជនកំពុងឃោសនាពីគោលនយោបាយ«អភិវឌ្ឍន៍ សេដ្ឋកិច្ច និងកំណែទម្រង់ដីធ្លី» របស់ខ្លួន ដើម្បីស្វែងរកសំឡេងគាំទ្រនៅក្នុងអំឡុងនៃយុទ្ធនាការឃោសនាបោះ ឆ្នោត។

ក្រុមអ្នកភូមិបានសម្តែងនូវក្ដីបារម្ភថា ក្រោយថ្ងៃបោះឆ្នោតពួកគាត់អាចនឹងត្រូវបណ្ដេញចេញពីលំនៅឋាន ដោយបង្ខំសាជាថ្មី ប្រសិនបើអាជ្ញាធរមិនគិតគូរដោះស្រាយបញ្ហាវិវាទដីធ្លីឲ្យពួកគាត់ ឲ្យបានរួចរាល់មុនថ្ងៃបោះឆ្នោតទេនោះ។

សូមរង់ចាំអានព័ត៌មានពិស្តារក្នុងកាសែតភ្នំពេញប៉ុស្តិ៍

ប្រភពពី៖ ភ្នំពេញ ប៉ុស្តិ៍

Monday, July 1, 2013

សង្គមស៊ីវិលមួយចំនួនថ្កោលទោសសេចក្ដីណែនាំក្រសួងព័ត៌មាន

អង្គការសង្គមស៊ីវិលមួយចំនួនចេញសេចក្តីថ្លែងការណ៍រិះគន់ និងថ្កោលទោសសេចក្តីណែនាំរបស់ក្រសួងព័ត៌មាន ដែលមិនអនុញ្ញាតឲ្យវិទ្យុ អេហ្វ.អឹម (FM) ក្នុងស្រុកផ្សាយបន្តនូវកម្មវិធីព័ត៌មានរបស់វិទ្យុបរទេសជាភាសា ខ្មែរ។ សង្គមស៊ីវិលហៅសេចក្តីណែនាំនោះថា ជាអំពើរំលោភច្បាប់ និងរំលោភលើសេរីភាពប្រជាពលរដ្ឋ។

៨-មេសា-២០១២៖ លោក រ៉ុង ឈុន ប្រធានសហភាពសហជីពកម្ពុជា និងជាប្រធានសមាគមគ្រូបង្រៀនកម្ពុជាឯករាជ្យ ផ្ដល់បទសម្ភាសន៍ នៅការិយាល័យរបស់លោក។

RFA/Tin Zakariya

មជ្ឈមណ្ឌលសិទ្ធិមនុស្សកម្ពុជា នៅព្រឹកថ្ងៃទី២៩ ខែមិថុនា ចេញសេចក្តីប្រកាសព័ត៌មានបន្ទាន់ជាភាសាអង់គ្លេសមួយ ដែលរៀបរាប់លម្អិតពីខ្លឹមសារនៃលិខិតរបស់ក្រសួងព័ត៌មាន ដែលបានចេញលិខិតណែនាំ មានអត្ថន័យមិនឲ្យពលរដ្ឋទទួលបានព័ត៌មានឯករាជ្យ និងតុល្យភាពពីវិទ្យុបរទេសនិយាយជាភាសាខ្មែរ។ មជ្ឈមណ្ឌលសិទ្ធិមនុស្សកម្ពុជា បានផ្ញើសេចក្តីប្រកាសបន្ទាន់នេះ ទៅបណ្ដាញសារព័ត៌មានអន្តរជាតិលើពិភពលោក។
មជ្ឈមណ្ឌលសិទ្ធិមនុស្សកម្ពុជា បញ្ជាក់ថា សាធារណជនជាច្រើនជឿជាក់ថា លិខិតនេះធ្វើឡើងសំដៅលើវិទ្យុអាស៊ីសេរី វិទ្យុសំឡេងសហរដ្ឋអាមេរិក និងវិទ្យុអន្តរជាតិមួយចំនួនទៀត ដែលផ្សាយព័ត៌មានឯករាជ្យ និងវិភាគលម្អិត ដើម្បីឲ្យប្រជាពលរដ្ឋទទួលបានព័ត៌មានកាន់តែច្រើនពីស្ថានភាពសង្គម វប្បធម៌ និងនយោបាយនៅកម្ពុជា។
មន្ត្រីសម្របសម្រួលគម្រោងសេរីភាពបញ្ចេញមតិរបស់មជ្ឈមណ្ឌលសិទ្ធិ មនុស្សកម្ពុជា កញ្ញា សន រ៉ាមណា មានប្រសាសន៍ថា លិខិតណែនាំរបស់ក្រសួងព័ត៌មាន ធ្វើឲ្យប៉ះពាល់យ៉ាងខ្លាំងដល់សិទ្ធិទទួលបានព័ត៌មានរបស់ពលរដ្ឋ និងរឹតត្បិតសេរីភាពក្នុងការបញ្ចេញមតិ។
នៅដំណាលគ្នានេះ ក្រុមប្រឹក្សាឃ្លាំមើលកម្ពុជា ចេញសេចក្តីថ្លែងការណ៍មួយថ្កោលទោសចំពោះក្រសួងព័ត៌មាន ហើយបានហៅលិខិតណែនាំរបស់ក្រសួងព័ត៌មាន ថា ជាចេតនាចង់ឲ្យប្រជាពលរដ្ឋទទួលបានព័ត៌មានតែម្ខាង មិនឆ្លុះបញ្ចាំងពីការពិតសង្គម នាំឲ្យពលរដ្ឋសម្រេចចិត្តមិនត្រឹមត្រូវ។
តំណាងក្រុមប្រឹក្សាឃ្លាំមើលកម្ពុជា លោក រ៉ុង ឈុន មានប្រសាសន៍ថា ទង្វើរបស់ក្រសួងព័ត៌មាន ជាទង្វើខុសច្បាប់ផ្ទុយពីរដ្ឋធម្មនុញ្ញ និងផ្ទុយពីសេចក្តីថ្លែងការណ៍ជាសកលស្ដីពីសិទ្ធិមនុស្ស។ លោកបន្តថា គណបក្សកាន់អំណាចទំនងជាខ្លាចចាញ់ឆ្នោតគណបក្សប្រឆាំង ទើបធ្វើបែបនេះ។ ប៉ុន្តែ ការធ្វើបែបនេះមិនចំណេញឡើយ គឺខាតផលប្រយោជន៍ជាតិទាំងមូលតែម្តង។
ចំណែកឯមន្ត្រីឃ្លាំមើលសិទ្ធិមនុស្សរបស់អង្គការឃ្លាំមើលសិទ្ធិ មនុស្ស (Human Rights Watch) ដែលទទួលបន្ទុកកិច្ចការអាស៊ី លោក ហ្វីល រ៉ូប៊ីនសាន់ (Phil RoBenson) មានប្រសាសន៍ថា រដ្ឋាភិបាលកម្ពុជា មានបំណងឲ្យពលរដ្ឋទទួលបាននូវព័ត៌មានតែម្ខាងដែលរដ្ឋាភិបាលផ្តល់ ឲ្យ។ លោកបន្តថា សេចក្តីណែនាំនេះជាបំរាមមួយដ៏អាក្រក់សម្រាប់ពលរដ្ឋកម្ពុជា។ ហើយគណបក្សប្រជាជនកម្ពុជា របស់លោក ហ៊ុន សែន មានបំណងចង់យកចំណេញច្រើនពីបំរាមនេះ។
ឆ្លើយតបនឹងការរិះគន់ផ្ទួនៗគ្នាបែបនេះ ប្រធាននាយកដ្ឋានសោតទស្សន៍នៃក្រសួងព័ត៌មាន លោក ប៊ុត បូវុធ បកស្រាយថា ក្រសួងព័ត៌មានធ្វើនេះដើម្បីធានាកុំឲ្យវិទ្យុក្នុងស្រុកផ្សាយ លម្អៀងកាន់ជើងគណបក្សមួយៗប៉ុណ្ណោះ មិនមានបំណងបំបិទមាត់បំបិទត្រចៀកពលរដ្ឋនោះឡើយ។ លោកបន្តថា ក្រសួងព័ត៌មាន មិនអាចហាមឃាត់ការផ្សាយរបស់វិទ្យុបរទេសបាន ទើបសម្រេចចិត្តផ្អាកមិនឲ្យវិទ្យុក្នុងស្រុកទទួលផ្សាយបន្ត កម្មវិធីនៃវិទ្យុបរទេសទាំងនោះ។
ទោះយ៉ាងណាក៏ដោយ សង្គមស៊ីវិលក្នុងស្រុកមួយចំនួនទៀត ក៏គ្រោងនឹងចេញសេចក្តីថ្លែងការណ៍រិះគន់ និងជំរុញឲ្យក្រសួងព័ត៌មានដកបំរាមនេះដែរ។ កាលពីពេលកន្លងទៅ ក្រសួងព័ត៌មាន មិនបានហាមឃាត់អ្វីឡើយចំពោះវិទ្យុ និងទូរទស្សន៍ក្នុងស្រុកដែលស្ថិតក្រោមការគ្រប់គ្រងរបស់មន្ត្រី បក្សកាន់អំណាច។ ក្រសួងព័ត៌មាន បញ្ជាឲ្យវិទ្យុក្នុងស្រុកផ្អាកការផ្សាយបន្តកម្មវិធីព័ត៌មានរបស់ វិទ្យុបរទេសនិយាយភាសាខ្មែរ ចាប់ពីថ្ងៃទី២៨ ខែមិថុនា ត្រូវនឹងថ្ងៃទី២ នៃយុទ្ធនាការឃោសនាបោះឆ្នោត។ កាលពីថ្ងៃទី២៨ ខែមិថុនា វិទ្យុសំបុកឃ្មុំ ដែលមិនទាន់បានដឹងព័ត៌មានផ្អាកនេះ ក៏ត្រូវមន្ត្រីក្រសួងព័ត៌មាន បញ្ជាឲ្យបិទកម្មវិធីវិទ្យុអាស៊ីសេរី ទាំងកណ្ដាលទី។
របាយការណ៍ស្ទង់មតិរបស់វិទ្យាស្ថានសាធារណរដ្ឋ អាយ.អ.អាយ (IRI) កាលពីដើមឆ្នាំ២០១៣ បង្ហាញថា ពលរដ្ឋខ្មែរចំនួន ១២% ដែលទទួលបានព័ត៌មានវិទ្យុអាស៊ីសេរី៕

ប្រភពពី៖ វិទ្យុអាស៊ីសេរី

Welcome to KhmerVital

សូមស្វាគមន៏ការមកកាន់ khmervital ខ្មែរវ៉ាយថល របស់យើងខ្ញុំ វេបសាយយើងខ្ញុំក៏មានទទូលផ្សាយពាណិជ្ជកម្មដោយឥតគិតថ្លែ ទំនាក់ទំនង លេខទូរស័ព្ទ 090 33 74 94 , 086 65 82 82 អ៊ីម៉ែល mabbmarrydena@gmail.com or dena_mabbmarry@yahoo.com សូមអគុណ ...................

Wednesday, July 3, 2013

បញ្ជី​ឈ្មោះ​បោះ​ឆ្នោត​ត្រូវ​បាន​ចាប់​ផ្ដើម​បិទ​ផ្សាយ​នៅ​គណកម្មការ​ឃុំ-សង្កាត់​រៀប​ចំ​ការ​បោះ​ឆ្នោត

ចង្កៀងគោម​ដុត​ឆេះ​រោងចក្រ​ខ្ទេច​គ្មាន​សល់​