ភ្នំពេញ ៖ ហេតុការណ៍គួរឲ្យរន្ធត់មួយ បានធ្វើឲ្យភ្ញាក់ផ្អើលដល់នគរបាលចម្រុះខណ្ឌមានជ័យ នឹងរាជធានីភ្នំពេញ ក្នុងខណៈដែលក្រុមចោរប្លន់ប្រដាប់អាវុធមួយក្រុមមានគ្នា៣នាក់ ប្រដាប់ដោយកាំភ្លើងខ្លីមួយដើម ជិះម៉ូតូស៊េរីទំនើបមួយគ្រឿង មកធ្វើសកម្មភាព បាញ់យុវជនម្នាក់នៅមុខផ្ទះឲ្យរងរបួសធ្ងន់ធ្ងរ រួចប្លន់យកម៉ូតូស្តុបពី ស៊េរី ២០១៣ ១គ្រឿង រត់គេចខ្លួនបាត់ស្រមោលភ្លាមៗ។
ហេតុការណ៍
នេះបានឡើងកាលពីវេលាម៉ោង២៣និង១០នាទីយប់ ថ្ងៃទី១០ ខែកក្កដា
ឆ្នាំ ២០១៣ ស្ថិតនៅផ្លូវបេតុង មុខផ្ទះលេខ១១ ក្រុមទី ១៤
ភូមិឫស្សី សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។
សមត្ថកិច្ច
បានឲ្យដឹងថាជនរងគ្រោះមានឈ្មោះ សុខ រដ្ឋា ហៅ ពៅ ភេទប្រុស
អាយុ២០ឆ្នាំ ស្នាក់នៅភូមិទួលសង្កែ សង្កាត់ទួលសង្កែ
ខណ្ឌឫស្សីកែវ ជិះម៉ូតូ ម៉ាកស្តុបពី ពណ៌ស ស៊េរី ២០១៣
ពាក់ស្លាកលេខ ភ្នំពេញ 1BI-8588 ។
នារីម្នាក់ដែលត្រូវជា
សង្សារយុវជនរងគ្រោះបាននិយាយរៀបរាប់ប្រាប់សមត្ថកិច្ចថា
មុនពេលកើតហេតុឈ្មោះ សុខ រដ្ឋា ហៅ ពៅ បានជិះម៉ូតូស្តុបពី
ពីខណ្ឌឫស្សីកែវ មកទទួលនាងនៅផ្ទះកើតហេតុ
យកទៅញាំអាហារនៅកោះពេជ្រ លុះដល់ម៉ោងជាង១០
យប់ក៏ត្រឡប់មកផ្ទះវិញ ដោយជិះតាមបណ្តោយផ្លូវព្រះមុនីរ៉េត
ខណៈមកដល់ចំណុចស្ពាន ថ្ម (អតីតស្ពានដែក) ស្រាប់
តែមានជនសង្ស័យ ចំនួន ៣នាក់ ជិះម៉ូតូសេ១២៥ មួយគ្រឿង
ជិះតាមក្រោយ រូបនាង រហូតមកដល់ចំណុចកើតហេតុខាងលើនេះ
រូបនាងនឹងឈ្មោះ សុខ រដ្ឋា ត្រូវជាសង្សារបានចុះពីលើម៉ូតូ
បំណងដើរចូលទៅក្នុងផ្ទះ
ក៏ជនសង្ស័យម្នាក់ប្រដាប់ដោយកាំភ្លើងខ្លី ១ដើម មកភ្ជង់ឈ្មោះ
សុខ រដ្ឋា គំរាមយក
ម៉ូតូតែជនរងគ្រោះបានប្រកែកនឹងមានប្រទុស្តរាយគ្នាមួយប្រាវ
ទើបធ្វើឲ្យក្រុមចោរប្លន់ប្រដាប់អាវុធទ្រាំមិនបាន
បាញ់ស្រោចទៅលើជនរងគ្រោះ ត្រូវចំភ្លៅខាងឆ្វេងម្ខាង
រងរបួសធ្ងន់ធ្ងរ ហើយក្រុមចោរបានដណ្តើមយកម៉ូតូ ជិះរត់គេចខ្លួន
ប៉ុន្តែពួកគេបានបាញ់ចំនួន ២គ្រាប់ ថែមទៀត
ជាការគំរាមដល់អ្នកជិតខាង កុំឲ្យចូលមកជួយ
ហើយពួកក្រុមចោរប្លន់ប្រដាប់អាវុធក៏បានជិះម៉ូតូរត់គេចខ្លួនបាត់
ស្រមោលក្រោយពេលធ្វើសកម្មភាពបាញ់ប្លន់ បានសម្រេច ។
ភ្លាមៗ
នោះធ្វើឲ្យមានការភ្ញាក់ផ្អើលឆោឡោដល់សមត្ថកិច្ចនគរបាលមូលដ្ឋាន
និងនគរបាលរាជធានីភ្នំពេញ
ចុះមកអន្តរាគមន៍ធ្វើការសាកសួរនៅភិនភាគក្រុមចោរប្លន់
ដើម្បីងាយស្រួលក្នុងការកំណត់មុខសញ្ញា
តាមចាប់ពួកគេយកមកផ្តន្ទាទោសតាមផ្លូវច្បាប់។
ប៉ុន្តែទំរាំសមត្ថកិច្ចមកដល់កន្លែងនោះ
ទំនងជាក្រុមចោរបានជិះម៉ូតូគេចខ្លួនទៅដេកលក់បាត់ទៅហើយ ។
បច្ចុប្បន្នជនរងគ្រោះត្រូវបានរថយន្តសាម៉ុយមកដឹកយកទៅ
សង្គ្រោះនៅមន្ទីរពេទ្យភ្លាមៗ
ចំណែកនារីជាសង្សារជនរងគ្រោះបានទៅដាក់ពាក្យបណ្តឹងនៅទីស្នាក់
ការនគរ បាលស្ទឺងមានជ័យ
ដើម្បីសុំឲ្យសមត្ថកិច្ចបន្តធ្វើការស្រាវជ្រាវតាមចាប់ជនសង្ស័យ
ទាំង៣នាក់ ខាងលើយកមកដាក់ទោសតាមផ្លូវច្បាប់៕
ប្រភពពី៖ ក្រុងកម្ពុជា
No comments:
Post a Comment