Friday, May 31, 2013

ឡាន Lamborghini បានឆាប់ឆះ ខណៈដែលបើកទៅបុក ប្រអប់អគ្គីសនីនៅតាមដងផ្លូវ

មានប្រភពពត៌មានមួយបានអោយដឹងថា មានឡាន Lamborghini ពណ៌ទឹកក្រូចមួយគ្រឿងបានឆាប់ឆេះភ្លាមៗ នៅពេលដែរជ្រុលចង្កោតទៅបុកប្រអប់ អគ្គិសនីដែលនៅតាមផ្លូវ ។ ហេតុការណ៍ត្រូវបានគេដឹងថា កើតឡើងនៅទល់មុខសាលារៀនមត្តេយ្យ នៅវេលាម៉ោង ២រសៀល ដែលនៅផ្លូវ Outram ។ គ្រោះថា្នក់ចរាចរណ៍មួយនេះ បានបង្ករជាការកកស្ទះចរាចណ៍យ៉ាងយូរនៅតាមដងផ្លូវ និងមានអ្នកធ្វើដំនើរឆ្លងកាត់ ឈប់ថតរូបឡានដែលបង្កហេតុ ។ ក្នុងហេតុការណ៍គ្រោះថ្នាក់ចរាចណ៍នេះមិនបណ្តាលអោយអ្នកបើកបរ និងអ្នកដំនើរតាមផ្លូវរងគ្រោះទេ ប៉ុន្តែគេមិនឃើញម្ចាស់រថយន្តនៅនឹងកន្លែងកើត ហេតុឡើយ ៕
Khmer-note
crash2jpg1369376955783-data

orange_lamborghini_crashes_outside_outram_road-thumbnail

កាមរីបាឡែនបើកបុកម៉ូតូ ២គ្រឿង របួសស្រាល ២នាក់

បញ្ចូលអត្ថបទ ៖ វីយូឡែត

ថ្ងៃសុក្រ ទី៣១ ខែឧសភា ឆ្នាំ២០១៣ ម៉ោង ១៨:៣៥

កោះសន្តិភាព

[Enter Caption]

រាជធានីភ្នំពេញ ៖ រថយន្តកាមរីបាឡែនពណ៌ខ្មៅមួយគ្រឿង ពាក់ស្លាកលេខ ភ្នំពេញ 2M-2015 បានបើកទៅបុកម៉ូតូ ២គ្រឿង បណ្តាលឱ្យអ្នកបើកបរម៉ូតូដួលរបួសស្រាល ហើយរថយន្តក៏រេចង្កូតទៅបុករនាំងដែកពុះចែកទ្រូងផ្លូវបាក់អស់ ៥ផ្ទាំង កាលពីវេលាម៉ោង ៦ និង ២៥នាទី ល្ងាចថ្ងៃទី៣១ ឧសភា ២០១៣ នេះ នៅទល់មុខហាងសេវេនឡាក់គីប្រាយ តាមមហាវិថីសហព័ន្ធរុស្ស៊ី ក្នុងសង្កាត់ទឹកថ្លា ខណ្ឌសែនសុខ ។ ក្រោយកើតហេតុសមត្ថកិច្ចបានឃាត់ខ្លួនអ្នកបើកបររថយន្តបង្ក ដើម្បីសួរនាំ និងធ្វើការដោះស្រយតាមផ្លូវច្បាប់ ៕

អ្នកវិទ្យាសាស្រ្តម្នាក់ បានរកឃើញសាកសពសត្វដំរីបុរាណ

ដែលមានអាយុកាលជាង ១ម៉ឺនឆ្នាំ

សុក្រ ៣១ ឧសភា, ២០១៣ ម៉ោង ១៤:៤០

កាលពីពេលថ្មីៗនេះ អ្នកវិទ្យាសាស្រ្តជនជាតិរុស្ស៊ីម្នាក់ មានឈ្មោះថា Semyon Grigoryev បានរកឃើញសាកសពសត្វដំរីបុរាណ ដ៏ធំមួយក្បាល ដែលមានអាយុកាលជាង ១ម៉ឺនឆ្នាំ ហើយឈាមរបស់វាគឺនៅដដែល។

យោងតាមប្រភពព័ត៌មាន បានឲ្យដឹងថា សាកសពសត្វដំរីបុរាណមួយក្បាលនេះ គឺជាដំរីញី ដែលបានរកឃើញនៅលើកោះ New Siberian Islands ក្បែរឆ្នេរសមុទ្រ Siberia ស្ថិតក្នុងប្រទេសរុស៊្សី។ ដូចគ្នានេះដែរ បន្ទាប់ពីអ្នកវិទ្យាសាស្រ្ត ជនជាតិរុស្ស៊ីម្នាក់នោះ បានរកឃើញសាកសព របស់សត្វដំរីបុរាណ ដែលមានអាយុកាលជាង ១ម៉ឺនឆ្នាំរួចមក គាត់ និងក្រុមអ្នកវិទ្យាសាស្រ្ត ដែលមកពី South Korean Sooam Biotech Research Foundation ក្នុងប្រទេសកូរ៉េខាងត្បូង បានធ្វើការពិសោធន៏ទៅលើឈាមរបស់វា។

នៅក្នុងដំណើរការ នៃការពិសោធន៏ទៅលើឈាម របស់សត្វដំរីបុរាណនេះ ពួកគេបានសង្កេតឃើញថា ឈាមរបស់សត្វដំរីបុរាណនេះ គឺមានជាតិធម្មជាតិម៉្យាង ដែលមិនចេះកក ហើយអ្វីដែលអស្ចារ្យជាងនេះទៅទៀតនោះ គឺពួកគេបានធ្វើការពិសោធន៏ ដោយបញ្ចូលឈាមសត្វដំរីបុរាណនេះ ទៅក្នុងឈាមសត្វដទៃទៀត ដែលមានពូជអំបូរស្រដៀងគ្នា ដូចជាសត្វដំរីធម្មតា ឬសត្វព្រៃដទៃទៀត ហើយពួកគេក៏ទទួលបានលទ្ធផលមួយ យ៉ាងល្អបំផុត គឺសត្វដំរី ឬសត្វព្រៃ ដែលងាប់ទៅហើយនោះ នឹងអាចមានឪកាសរស់ឡើងវិញ បន្ទាប់ពីបានបញ្ចូលឈាម របស់សត្វដំរីបុរាណនេះហើយ៕

សត្វដំរីបុរាណ

ដោយ ៖ ប៊ី

ខ្មែរឡូត

រកឃើញគ្រោងឆ្អឹងមនុស្ស ដ៏ធំៗបំផុត ដែលមិនធ្លាប់មានពីមុនមក

10:59 AM 31.05.2013
Print Email

ឥណ្ឌា៖ តាមការអោយដឹង ពីក្រុមអ្នកស្រាវជ្រាវនៃប្រទេសឥណ្ឌា កាលពីពេលថ្មីៗនេះ ពួក
គេបានរកឃើញគ្រោងឆ្អឹងមនុស្សដ៏ធំផុត ក្នុងបឹង Roopkund ស្ថិតនៅប៉ែកខាងជើង នៃប្រ
ទេសឥណ្ឌា។

ក្រុមអ្នកជំនាញវិទ្យាសាស្រ្ដ បានបង្ហាញថា ឆ្អឹងដែលវែងៗ ដែលគេរកឃើញក្នុងបឹង Roop
kund មានជម្រៅ ១៦,០០០ ហ្វីតដែលធៀបនឹងនីវ៉ូទឹកសមុទ្រនេះ គឺមានចំនួនដល់ទៅជិត
២០០ ឆ្អឹងឯណ្ណោះ។ការបកស្រាយមួយបានបង្ហាញថា គ្រោងឆ្អឹងទាំងនេះ ប្រហែលជាឆ្អឹង
របស់កុលសម្ពន្ទមួយ ដែលរស់នៅជិតតំបន់នោះ តាំងពីមុនសតវត្សរ៍ទី៩ ហើយពួកគេបាន
ស្លាប់ដោយសារខ្យល់ព្យុះ វាយទំលាក់ចូលក្នុងបឹងនោះ។

យ៉ាងនេះក្ដី ក៏មានអ្នកវិទ្យាសាស្រ្ដជនជាតិអង់គ្លេស ដែលមិនបានបញ្ចេញឈ្មោះ បានបង្ហា
ញថា គ្រោងឆ្អឹងនេះ អាចជាគ្រោងឆ្អឹងរបស់កងទ័ពជប៉ុន ដែលបានធ្វើដំណើរ មកកាន់បឹង
នៅប៉ែកខាងជើងនេះ ដែលជាដែនដីមួយ ត្រូវបានគេជម្លៀសប្រជាជនចេញ កាលពីសង្រ្គា
ម លោកលើកទី ១។

ទោះបីជាយ៉ាងណាក៏ដោយ យើងនឹងទទួលបានការបកស្រាយ ពីក្រុមអ្នកវិទ្យាសាស្រ្ដកាន់
តែច្បាស់ និងសមស្របនូវជុំវិញបញ្ហានេះ នៅពេលខាងមុខ៕

ដោយ៖ នារី
ប្រភព៖ dailymail

អ្វីទៅដែលហៅថា សិល្បៈ?

1 ម៉ោងមុន | ដោយ ៖ ABC 08

ពាក្យសិល្បៈ(សំ.) សិប្បៈ(បា.) សំដៅយកការងារ រឺលទ្ធផលនៃការងារនោះ ដែលប្រកបដោយសិល្ប៍អាចទាក់ទាញមនុស្សអោយជាប់ចិត្ត ចាប់អារម្មណ៍ ចង់មើយ ចង់ឃើញ ចង់ស្តាប់ មិនចេះនឿយណាយ។ ក្នុងន័យម្យ៉ាទៀត សិល្បៈសំដៅយកការសំដែងចេញកាយវិការ និងសូរស័ព្ទតាមលក្ខណៈមនោសញ្ចេតនារបស់មនុស្សបានដល់សិល្បៈផ្នែក របាំ តូរ្យតន្ត្រីនិងចំរៀង។
          ឯសិល្បៈផ្នែកនេះរបស់បុព្វបុរស់ខ្មែរសម័យបរមបុរាណ គេសង្កេតឃើញមានដូចជាការផ្លុំស្លឹក ប៉ី គង ស្គរ ក្រាប់ និង របោះផ្សេងៗមានរបាំកន្តែរ៉ែ ស្នែងទន្សោង និងអាយ៉ងជាដើម។ អាចយ៉ងនេះ នៅឥណ្ឌូនេស៊ីនៅមានរហួតដល់សព្វថ្ងៃដូចខ្មែដែរ។ ចំពោះសិល្បៈផ្សេងៗទៀតដូចជា សិល្បៈសូនរូប ស្ថបត្យកម្ម និងចំលាក់ជាដើម ក៏បានបង្កើតឡើងដើម្បីបំពេញតំរូវការតាទេពកោសល្យខ្លួនដែរ។
          អ្នកប្រាជ្ញក្នុងពិភពលោកសម័យបច្ចុប្បន្នបានចែកសិល្បៈជា ០៣ ប្រភេទគឺ
          ១. សិល្បៈសម្ផស្ស គឺជាសិល្បៈខាងសំរើបចិត្ត គឺការបញ្ចេញសម្ផស្សរូបរាងសាច់មនុស្សជាលំអ មានការប្រើប្រាស់សំលៀកបំពាក់ខ្លី ខើច ដើម្បីបញ្ចេញសាច់ដុំ សាច់ភ្លៅ និងក្បាលពោះជាដើម ដែលបុព្វបុរស់យើងនិយមប្រើ ដូចរូបចំលាក់នៅតាមប្រាសាទអង្គរស្រាប់។
          ២. សិល្បៈគំនិត គឺជាសិល្បៈនិយមតាមគំនិត គឺធ្វើអ្វីៗសុទ្ធតែមានន័យជាប់ក្នុងទង្វើនេះផង។ មិនគ្រាប់តែអោយមានន័យខាងសិល្បៈ ភ្លេង របាំ ចំរៀងប៉ុន្នោះទេ សិល្បៈស្ថាបត្យកម្ម ក៏មានន័យដែរ ដូចជាការស្ថាបនាទីក្រុងអង្គរ ដែលមានធ្វើកំពែងធំខ្ពស់ វែង និងជីកគូអោយមានទឹកដក់នៅជុំវិញ ជាតំណាងសាគរជាដើម។ ត្រង់កណ្តាលទីក្រុង មានសាងប្រសាទភ្នំមួយ ដូចប្រាសាទបាយ័ន អង្គរវត្ថជាដើម ជាតំនាងភ្នំព្រះសុមេរុ គឺតំនាងទេវលោកជាទីលំនៅរបស់ពូកទេវតា។
          ៣. សិល្បៈសភាវគតិ គឺជាសិល្បៈនិយមតាមសភាវគតិ តាមការប្រព្រិត្តទៅនៃសត្វលោកត្រង់ៗតែម្តង ដូចជាការលោត ការលើកដៃជើងជាកាយវិការធម្មតា តាមការសប្បាយជាដើម ស្ទើរតែគ្មាអ្វីជាសិល្បៈផងដូចជា សិល្បៈជនជាតិស្បែកខ្មៅ…។
          សិល្បៈទាំងបីខាងលើនេះ ចែកជាអនុប្រភេទមាន ៧ ទៅទៀតដូចជា៖ ១.សិល្បៈចំរៀង-តន្ត្រី ២.សិល្បៈរបាំ-ល្ខោន ៣.កាព្យឃ្លោង ៤.គំនូរផាត់ពណ៌ ៥.ស្ថាបត្យកម្ម ៦.សូនរូប-ចំលាក់ ៧. ថតរូប-ភាពយន្ត។
          ក្នុងចំណោមសិល្បៈទាង ៧ខាងលើនេះ លើកលែងតែសិល្បៈថតរូប-ភាពយន្តចេញ បុព្វបុរសខ្មែរយើងបានបង្កើត និងអភិវឌ្ឍជាបន្តបន្ទាប់។ សិល្បៈទាំងនេះចេះតែចំរើនលូតលាស់ដល់កំរិតកំពូលនៅសម័យអង្គរ។ ក្រៅពីសិល្បៈ៦ខាងលើ បុព្វបុរសយើងបានបង្កើតសិល្បៈសៀកដែលមានដើមកំនើតមុនសម័យអង្គរ រឺសម័យអង្គរ៕ដោយ បប

កម្ពុជា ត្រៀមលក្ខណៈចូលរួមពិព័រណ៏ចិន - អាស៊ាន

34 នាទីមុន | ដោយ ៖ ABC 08

ភ្នំពេញ ៖ កម្ពុជា ត្រៀមលក្ខណៈចូលរួមពិព័រណ៏ចិន - អាស៊ាន លើកទី១០ ឆ្នាំ 2013 នៅ មជ្ឈ មណ្ឌល ពិពរ័ណ និងសនិ្នសីទ ទីក្រុងណាននីង ខេត្តក្វាងស៊ី ប្រទេសចិន ថ្ងៃទី ២៣ ដល់ថ្ងៃទី២៦ ខែកញ្ញា ខាងមុខនេះ ។

ការចូលរួមសម្រាប់វិស័យឯកជន សម្រាប់ផលិតលផ និងទំនិញទូទៅ 90ស្តង់ និង សម្រាប់ ផលិតផលកាហ្វេ 10 ស្តង់ របស់កម្ពុជា នឹងត្រៀមលក្ខណៈចូលរួមពិព័រណ៏ចិន - អាស៊ាន លើកទី១០ ឆ្នាំ 2013 នៅមជ្ឈមណ្ឌល ពិពរ័ណ និងសនិ្នសីទ ទីក្រុងណាននីង ខេត្តក្វាងស៊ី ដែលរៀបចំដោយគណៈកម្មការពិព័រណ៍ចិនអាស៊ាន សហការជាមួយក្រសួងពាណិជ្ជកម្មនៃបណ្តាប្រទេសអាស៊ានទាំង១០ ។ នេះបើតាមការឱ្យដឹងពីលោក សឺន សូផា ប្រធាន នាយកដ្ឋានជំរុញពាណិជ្ជកម្មកាលពីថ្ងៃទី៣០ខែឧសភានៅទីស្តី ក្រសួងពាណិជ្ជកម្ម។
លោក សឺន សូផាបានឲ្យដឹងថា ពិព័រណ៏អាស៊ាន លើក ទី១០ នៅទិក្រុងណាននីងលើកនេះ ធ្វើឡើងក្រោមប្រធានបទ ការអភិវឌ្ឍន៏កិច្ចសហប្រតិបត្តិការ ក្នុង តំបន់ ដើម្បីបង្កើនកាលានុវត្តភាពថ្មី កម្លាំងជំរុញថ្មី និងជំហានថ្មី ជាងនេះទៅទៀត ការជ្រើសរើស យកទីក្រុងស្រល់ប្រិមប្រិយ ភ្ជាប់ជាប្រធានបទផងដែរ ។ លោកបន្តថា នៅក្នុងពិព័រណខាងមុខនេះ ក៏ជំនួបពាណិជ្ជកម្ម អាស៊ាន និងអ្នកវិនិយោគ ប្រមាណ៥00 នាក់ ហើយក៏មានការចុះកិច្ចសន្យាឬ អនុស្សារណៈផ្សេងៗ សម្រាប់ដៃ គូ ពាណិជ្ជកម្មនិងអ្នកវិនិយោគ ។ លោកបញ្ជាក់ថា គណៈកម្មការ រៀបចំពិព័រណ៏ចិន អាស៊ាន បានកំណត់លក្ខខណ្ឌសម្រាប់អ្នកតាំងពិព័រណ៏មានដូចជា ត្រូវតែជា ផលិតផលខ្មែរ ឬទំនិញដែលផលិតនៅក្នុងប្រទេសកម្ពុជា ដែលឆ្លងកាត់ការធ្វើតេស្តគុណភាព និង អនាម័យត្រឹមត្រូវ នៅនាយកដ្ឋានជំរុញពាណិជ្ជកម្ម និងត្រូវគោរពលក្ខខណ្ឌនិងបទបញ្ជាផ្ទៃក្នុង របស់ នាយកដ្ឋានជំរុញពាណិជ្ជកម្ម និងគណៈកម្មការរៀបចំពិព័រណ៏ចិន អាស៊ាន ។
លោកទេសរដ្ឋមន្ត្រី ចម ប្រសិទ្ធ រដ្ឋមន្ត្រីក្រសួងពាណិជ្ជកម្មបានមានប្រសាសន៏ថា ពិព័រណ៍នេះគឺជាការជំរុញកិច្ចការកសាងតំបន់ពាណិជ្ជកម្មសេរី ចិននិងអាស៊ាន ការសហការនិងអភិវឌ្ឍន៍នូវឱកាសពាណិជ្ជកម្ម និងរួមកិច្ចសហការវិនិយោគទុននិងពាណិជ្ជកម្មបម្រើជាវេទិកាថ្មី សម្រាប់ពង្វាតកិច្ចសហការខាងពាណិជ្ជកម្មរវាងចិននិងអាស៊ាន។
បើតាមលោកទេសរដ្ឋមន្ត្រី ចម ប្រសិទ្ធឆ្នាំនេះ កម្ពុជាបានជ្រើសរើសយកទិដ្ឋភាខេត្តកំពង់ធំដើម្បីយកទៅចូលរួមក្នុង ពិព័រណ័នេះ ដោយមន្ត្រីជំនាញយើងកំពុងតែធ្វើការប្រជុំគ្នាជាច្រើនលើកច្រើនសា ក្នុងការសំរិតសំរាំងថាគួរយករូបភាពអ្វីដែលអាចមានការទាក់ទាញអ្នក ទស្សនា ។
សួមបញ្ជាក់ថា កាលពីឆ្នាំ២០១២កម្ពុជា បានជ្រើសរើសយកទិដ្ឋភាព និងដំណាំកសិកម្មខេត្តបាត់ដំបងទៅដាក់តាំងពិព័រណ៏ចិន - អាស៊ាន លើកទី៩ ឆ្នាំ ៕ ដោយ ចេម ហួត

Bruce Willis ប្រកាសលក់ផ្ទះក្នុងតម្លៃ ២២ លានដុល្លារ

1 ម៉ោងមុន | ដោយ ៖ ABC 08

យោងតាមប្រភពព័ត៌ពីគេហទំព័រ now.msn.com បានឲ្យដឹងថា តារាសម្តែងប្រុស Bruce Willis បានដាក់លក់ផ្ទះវីឡាដ៏ស្កឹមស្កៃមួយកន្លែងដែលរូបលោកបានទិញ តាំងពី២០០៤ ក្នុងតម្លៃ៦.៣ លានដុល្លារពេលនេះ លោកបានដាក់លក់វាវិញក្នុងតម្លៃ ២២ លានដុល្លារ។
ផ្ទះដែលBruce Willis ចង់លក់ គេចែកជា ២ ទី១ ផ្ទះសម្រាប់រស់នៅខ្លួនឯង និង១ទៀតសម្រាប់ ទទួលភ្ញៀវ ដែលមានចំនួន ១១ បន្ទប់ នឹងបន្ទប់ទឹក១១ មានបន្ទប់សម្រាប់ ហាត់ប្រាណអាងហែលទឹក និងបណ្ណាល័យផងដែរ៕ ដោយ៖ រីករាយ

7D62C9DF761C8502BEFA93352CC0_h316_w628_m5_casdbmIIu

Facebook និយាយថាមានយុវវ័យចូលចិត្តប្រើបណ្តាញរបស់ខ្លួនច្រើនជាង Twitter និង Tumblr

12 នាទីមុន | ដោយ ៖ ABC 08

យោងតាមប្រភពព័ត៌មានពី www.bloomberg.com បានឲ្យដឹងថា Twitter និង Tumblr គឺជាជាបណ្ដាញសង្គមមួយ ដែលត្រូវបាន គេចាត់ទុកថា ជាបណ្ដាញសង្គមដែលមានយុវវ័យជាច្រើនរូបចូលចិត្តប្រើប្រាស់ច្រើន ជាងគេបំផុត ដោយសារវាបង្កើតឡើងសម្រាប់ការទំនាក់ទំនងរបស់យុវវ័យ ប៉ុន្តែពេលនះ បណ្ដាញសង្គម Facebook បានចេញមុខមកនិយាយថា បណ្ដាញសង្គមរបស់ខ្លួន មានយុវវ័យ ប្រើប្រាស់ច្រើនជាង Twitter និង Tumblrទៅទៀតនាពេលបច្ចុប្បន្ននេះ។
អ្នកស្រី Sheryl Sandberg ជាអ្នកចាត់ការ ទូទៅនៅក្នុងសង្គម Facebook បាននិយាយនៅក្នុងវេទិកា All Things Digital ថាមានចំនួនអ្នកប្រើប្រាស់ប្រព័ន្ធFacebook កើនឡើងយ៉ាងខ្លាំងគួរឲ្យកត់សម្គាល់បំផុត បើធៀបនឹង Twitter និង Tumblr នាពេលបច្ចុប្បន្ននេះ គឺបណ្តាញសង្គម Facebook មានអ្នកចូលចិត្តប្រើច្រើនបំផុត ក្នុងការទំនាក់ទំនងរបស់យុវវ័យ ជាពិសេស អ្នកស្រីបានលើកឡើងទៀតថា Facebook គឺជាបណ្តាញដែលមានអ្វីគ្រប់យ៉ាងដែលពួកយុវវ័យចូលចិត្ត និងត្រូវការ ហើយចំនួនអ្នកប្រើ Facebook តាមរយៈទូរស័ព្ទដៃមានច្រើនជាង កុំព្យូទ័រ។
យ៉ាងណាមិញ បណ្ដាញ Twitter មិនសូវជាមានមេរោគដូចដូចជាបណ្តាញ Facebook ទេ គេដោយសារតែវាមានតែ Hacker លុកលុយតែប៉ុណ្ណោះ ប៉ុន្តែ Facebook មិនសូវមាន Hacker ធ្វើការលុកលុយនោះទេ ប៉ុន្តែសម្បូរដោយមេរោគច្រើនបំផុត៕ ដោយ៖ រីករាយ

Thursday, May 30, 2013

មហោស្រពបេតិកភណ្ឌភាពយន្តដំបូងគេនៅអាស៊ីធ្វើនៅកម្ពុជា

ថ្ងៃព្រហស្បត្ត៏ ទី៣០ ខែឧសភា ឆ្នាំ២០១៣ ម៉ោង ១៧:០៧

រាជធានីភ្នំពេញ ៖ មហោស្រពបេតិកភណ្ឌភាពយន្តអន្តរជាតិដែលមានឈ្មោះថា «ការចងចាំ» ដំបូងបង្អស់នៅអាស៊ី ដែលនឹងរៀបចំឡើងនៅក្នុងប្រទេសកម្ពុជាចាប់ពីថ្ងៃទី១ ដល់ថ្ងៃទី១៩ មិថុនា ឆ្នាំ២០១៣ តទៅ ក្នុងរាជធានីភ្នំពេញ ។

សមត្ថកិច្ចថៃទារប្រាក់ពីអ្នកដំណើរស្របច្បាប់ខ្មែរនៅក្បែរផ្សារលុងក្លឿ ក្រោមរូបភាពពិនិត្យលិខិតឆ្លងដែន

ថ្ងៃព្រហស្បត្ត៏ ទី៣០ ខែឧសភា ឆ្នាំ២០១៣ ម៉ោង ១៧:៣៧

ខេត្ត បន្ទាយមានជ័យ៖តាមប្រភពព័ត៌មានពីអ្នកដំណើរខ្មែរស្របច្បាប់ចេញ ចូលប្រទេសថៃបានឱ្យដឹងថា មួយរយៈនេះសមត្ថកិច្ចថៃឈរជើងនៅក្បែរផ្សារលុងក្លឿដែលនៅទីនោះជា ទីតាំងត្រួតពិនិត្យរថយន្តឈ្នួលចម្ងាយពីព្រំដែនប្រហែល ១គីឡូម៉ែត្រ មានទាហានឈុតខ្មៅនិងជនស៊ីវិលជាច្រើននាក់មិនដឹងថាជាស្ថាប័នណា ខ្លះនោះទេ បាន

ការស្ទង់មតិរបស់IRI មុនការបោះឆ្នោតកម្ពុជាដើរលើផ្លូវត្រូវមាន៧៩ភាគរយ

4 ម៉ោងមុន | ដោយ ៖ ABC 08

កំពង់ចាម៖សម្ដេច តេជោសែនបានបង្ហាញរបាយការណ៍ការស្ទង់មតិរបស់វិទ្យាស្ថាន សាធារណរដ្ឋអន្ដរជាតិ(IRI)របស់អាមេរិក ដែលបានធ្វើឡើងចាប់ពីថ្ងៃទី១២ខែមករារហូតដល់ថ្ងៃទី០២ខែកុម្ភៈ ឆ្នាំ២០១៣ជាការធ្វើឡើងនៅមុនការបោះឆ្នោតជ្រើសរើសតំណាងរាស្ដ្រ អាណត្ដិទី០៥ នោះបង្ហាញឱ្យឃើញថា៧៩ភាគរយប្រជាពលរដ្ឋចំនួន២០០០នាក់ទូទាំង២៤ រាជធានី-ខេត្ដឆ្លើយថាកម្ពុជាដើរលើផ្លូវត្រូវដោយឡែក២១ភាគរយផ្សេង ទៀតកម្ពុជាដើរលើផ្លូវខុស។

ចំពោះលទ្ធផលនៃការស្ទង់មតិរបស់(IRI)ដែលទទួលការឧបត្ថម្ភពី អង្គការយូសេតរបស់អាមេរិកនេះសម្ដេចតេជោហ៊ុនសែននាយក រដ្ឋមន្ត្រីបានបង្ហាញពីមោទនភាពយ៉ាងខ្លាំងចំពោះការជឿទុកចិត្ដពី ប្រជាពលរដ្ឋនៅទូទាំងប្រទេសពីព្រោះប្រសិនបើរបាយការណ៍ស្ទង់មតិរក ឃើញថាក្រោម៥០ភាគរយប្រជាជនឆ្លើយថាដើរលើផ្លូវខុសនោះច្បាស់ជា ប្រទេសនឹងរលាយជាក់ជាមិនខាន។ក្នុងពិធីបញ្ចុះខណ្ឌសីមាព្រះវិហារ នៅស្រុកត្បូងឃ្មុំខេត្ដកំពង់ចាមនាព្រឹកថ្ងៃទី៣០ខែឧសភាឆ្នាំ២០១៣ នេះ។សម្ដេចតេជោសែនបានលើកយកនូវចំណុចសំខាន់ៗស្ដីពីការចោទសួរទៅ លើប្រជាពលរដ្ឋទាំង២០០០នាក់ដោយលទ្ធផលបានបង្ហាញជារួមថា ប្រជាពលរដ្ឋបានគាំទ្ររាជរដ្ឋាភិបាលបច្ចុប្បន្នក្នុងការដឹកនាំប្រទេស ។
សំណួរមួយទៀតដែលត្រូវបានចោទសួរពីការស្ទង់មតិទៅលើប្រជាពលរដ្ឋ នោះតើការប្រៀបធៀបរយៈពេល៥ឆ្នាំមុនរហូតមកដល់បច្ចុប្បន្នស្ថានភាព គ្រួសាររបស់អ្នកអន់ជាងមុនប្រសើរជាងមុនឬនៅដដែល? ចម្លើយត្រូវបានសម្ដេចបង្ហាញតាមរបាយការណ៍របស់IRI ថា៥៤ភាគរយឆ្លើយថាប្រសើរជាងមុន២០ភាគរយឆ្លើយថាអន់ជាងមុននិង២៦ ភាគរយឆ្លើយថានៅដដែលដូច្នេះប្រសិនបើបូកទាំងអ្នកឆ្លើយថាប្រសើរ ជាងមុននិងនៅដដែលគឺមានតួលេខរហូតដល់៨០ភាគរយ។
សម្ដេចតេជោបានរំលឹកថាពេលឡើងកាន់អំណាចក្នុងអាណត្ដិទី៤នេះមាន បញ្ហាប្រឈមជាច្រើនដែលធ្វើឱ្យសម្ដេចព្រួយបារម្ភក្នុងនោះពេលឡើង កាន់អំណាចភ្លាមវិបត្ដិសេដ្ឋកិច្ចពិភពលោកបានចាប់ផ្ដើមកើតឡើងស្រប ពេលដែលទាហានថៃរបស់អតីតរដ្ឋាភិបាលអាប់ភីស៊ីត ឈ្លានពានប្រទេសគាប់ជួននិងប្រជាជនកម្ពុជាស្ទើរពាក់កណ្ដាលប្រទេសជួប ខ្យល់ព្យុះកេតសូណាដែលតម្រូវឱ្យរាជរដ្ឋាភិបាលទាំងមូលចាត់វិធាន ទប់ទល់គ្រប់បែបយ៉ាងណា។ក្នុងនោះបញ្ហានៃការឈ្លានពានរបស់ទាហានថៃ នៅពេលនោះតម្រូវឱ្យកម្ពុជាចំណាយលុយទិញអាវុធកាំភ្លើងនិងរថក្រោះ ពីព្រោះមិនមែនចំពាមកៅស៊ូទៅច្បាំងជាមួយគេឡើយហើយត្រូវចំណាយលុយ សម្រាប់អ្នកច្បាប់របស់កម្ពុជាឡើងទៅតុលាការអន្ដរជាតិ។
សម្ដេចបានបន្ដថាបើទោះបីរាជរដ្ឋាភិបាលជួបបញ្ហាធំៗបែបនេះប៉ុន្ដែ ប្រជាពលរដ្ឋមិនបានធ្លាក់ក្រោមបន្ទាត់ក្រីក្រនោះឡើយពោលជីវភាពរបស់ ប្រជាពលរដ្ឋបានប្រសើរជាងមុនដែលទាំងនេះជាមោទនភាពមួយរបស់ រាជរដ្ឋាភិបាលក្នុងការដឹកនាំប្រទេសជាតិ៕ ដោយ៖ សំអាត

វិស័យទេសចរណ៍ជាមាសបៃតងក្នុងការអភិវឌ្ឍសេដ្ឋកិច្ចសង្គម

1 ម៉ោងមុន | ដោយ ៖ ABC 08

ភ្នំពេញ៖ ក្រសួងទេសចរណ៍កម្ពុជា បានចាត់ទុកវិស័យទេសចរណ៍ ជាវិស័យអាទិភាពមួយដែលដើរតួនាទីជាមាសបៃតង ដោយបានចូលរួមចំណែកដល់ការអភិវឌ្ឍសេដ្ឋកិច្ចសង្គម តាមរយៈការបង្កើតនិងបង្កើនការងារជូនប្រជាពលរដ្ឋធ្វើ។
រដ្ឋមន្ត្រីក្រសួងទេសចរណ៍ លោក ថោង ខុន បានលើកឡើងយ៉ាងដូច្នេះ នៅក្នុងសិក្ខាសាលាស្តីពីការអនុវត្តការបណ្តុះបណ្តាល និងការពង្រឹងសមត្ថភាពអ្នកជំនាញទេសចរណ៍កម្ពុជាផ្នែកគេហកិច្ចតាម ស្តង់ដាអាស៊ាន នៅព្រឹកថ្ងៃទី៣០ ខែឧសភា ឆ្នាំ២០១៣នេះ នាសណ្ឋាគារភ្នំពេញ រាជធានីភ្នំពេញ។

លោករដ្ឋមន្ត្រីក្រសួងទេសចរណ៍ បានឲ្យដឹងថា កន្លងមកវិស័យទេសចរណ៍កម្ពុជា បានចូលរួមចំណែកយ៉ាងខ្លាំងក្លានៅក្នុងការចូលរួមសម្រេចគោលដៅនៃ យុទ្ធសាស្ត្រចតុកោណ និងកម្មវិធីនយោបាយរបស់រាជរដ្ឋាភិបាលកម្ពុជាដែលមានសម្តេចតេជោ សែន ជាប្រមុខ។ វិស័យទេសចរណ៍ត្រូវបានចាត់ទុកជាវិស័យអាទិភាពមួយដែលដើរតួជាមាស បៃតង ដោយបានចូលរួមចំណែកដល់ការអភិវឌ្ឍសេដ្ឋកិច្ចសង្គម តាមរយៈការបង្កើត និងបង្កើនឱកាសការងារ ការបង្កើនប្រាក់ចំណូលជូនប្រជាពលរដ្ឋដោយផ្ទាល់ និងដោយប្រយោលជាច្រើន ការជំរុញការនាំចេញនៅនឹងកន្លែងដែលជំរុញដល់កំណើនសេដ្ឋកិច្ចជាតិ និងការកាត់បន្ថយ ភាពក្រីក្ររបស់ប្រជាពលរដ្ឋ ព្រមទាំងអាចឆ្លើយតបបានទៅនឹងបញ្ហាបម្រែបម្រួលអាកាសធាតុប្រកបដោយ ប្រសិទ្ធិភាព ដែលស្របនឹងនិន្នាការសកលលោកនាពេលបច្ចុប្បន្ន។
លោក ថោង ខុន បានចាត់ទុកវិស័យទេសចរណ៍ គឺជាវិស័យមួយមានលក្ខណៈជាប្រព័ន្ធ ជាអន្តរវិស័យប្រកបដោយប្រទាក់ក្រឡាគ្នាទាំងនៅកំរិតសកល កំរិតតំបន់ និងកំរិតជាតិ ហើយក៏ត្រូវបានចាត់ទុកទៀតថា ជាសមាសធាតុមួយដ៏សំខាន់ក្នុងការអភិវឌ្ឍសេដ្ឋកិច្ចសង្គម និងការពង្រឹងទំនាក់ទំនងទៅវិញទៅមក ពិសេសការជំរុញវប្បធម៌សន្តិភាព ។

លោកបញ្ជាក់ថា តាមរបាយការណ៍របស់អង្គការទេសចរណ៍អន្តរជាតិ(UNWTO) បានបង្ហាញថា នៅឆ្នាំ២០១២ ទេសចរធ្វើដំណើរទូទាំងពិភពលោកមានចំនួន១.០៣៥លាននាក់ ក្នុងកំណើន ៤ភាគរយ ហើយនៅឆ្នាំ២០២០ ទេសចរពិភពលោកនឹងកើនដល់១.៦០០លាននាក់ និងនៅឆ្នាំ២០៣០ នឹងកើនដល់ ១.៨០០លាននាក់ ដែលអាចទាញចំណូលប្រមាណ ៣ពាន់លានដុល្លារក្នុងមួយថ្ងៃ ដោយឈរក្នុងលំដាប់ទី៤ បន្ទាប់ពីប្រេងឥន្ទនៈ ឧស្សាហកម្មគីមី និងរថយន្ត។
ដោយឡែកចំពោះកម្ពុជាក្នុងឆ្នាំ២០១២កន្លងទៅនេះ កម្ពុជាទទួលបានទេសចរអន្តរជាតិចំនួន៣.៥លាននាក់ ក្នុងកំណើន២៤,៤ភាគរយធៀបនឹងឆ្នាំ២០១១ជាមួយនឹងចំនួនទេសចរ ក្នុងស្រុកប្រមាណ៨លាននាក់ ក្នុងកំណើន១៤ភាគរយ ដោយបាននាំមកនូវចំណូលជូនជាតិប្រមាណ២.២១០លានដុល្លារអាមេរិក រួមចំណែកប្រមាណ១២ភាគរយ នៃផលិតផលក្នុងស្រុកសរុប(GDP) និងផ្តល់ការងារដោយផ្ទាល់ប្រមាណជាង៣៥ម៉ឺននាក់។ ក្នុងរយៈពេល៤ខែ ដើមឆ្នាំ២០១៣នេះ ទេសចរអន្តរជាតិមកទស្សនាកម្ពុជាមានចំនួនប្រមាណ១.៥លាននាក់ កើនឡើង ១៧,៨ភាគរយ ធៀបនឹងរយៈពេលដូចគ្នាឆ្នាំ២០១២។
សូមបញ្ជាក់ថា ស្របគ្នាជាមួយនឹងពិធីបុណ្យសមុទ្រដែលគ្រោងធ្វើនៅខេត្តកែបចាប់ពី ថ្ងៃ០៥-១០ខែធ្នូឆ្នាំ២០១៣ខាងមុខនេះកម្ពុជា នឹងធ្វើជាម្ចាស់ផ្ទះរៀបចំមហាព្រឹត្តិការណ៍ដ៏ធំកំរិតសាកលលោកថ្មី មួយទៀតគឺ មហាសន្និបាតលើកទី៩របស់ក្លឹបឆ្នេរសមុទ្រដែលស្អាតជាងគេបំផុតលើ សកលលោក ក្រោមប្រធានបទ«ទឹកសមុទ្រខៀវស្រងាត់»នាទីក្រុងបៃតង នៃរមណីយដ្ឋានឋានសួគ៍បូកគោខេត្តកំពត ៕

Tuesday, May 28, 2013

ការរៀបចំនិស្សិតឲ្យវាយប្រហារស៊ូប៊ែរឌីជាការឆោតល្ងង់

Tuesday, 28 May 2013
យស់ កាតង់
ភ្នំពេញ ប៉ុស្តិ៍

លោកសូរិយា ស៊ូប៊ែរឌី (ស្តាំ) នៅក្នុងសន្និសីទកាសែត នៅមុនពេលចាកចេញពីកម្ពុជា កាលពីថ្ងៃសៅរ៍។ រូបថត ហេង ជីវ័ន

ជូនចំពោះការីនិពន្ធ
ខ្ញុំបានស្តាប់រួចហើយនូវការលើកឡើងជាបន្តបន្ទាប់របស់ក្រុម និស្សិតពីរក្រុម ដែលមួយក្រុមមាននិន្នាការគាំទ្រលទ្ធិប្រជាធិបតេយ្យ ឬសិទ្ធិមនុស្ស និងមួយក្រុមទៀតគាំទ្រដំណើរអភិវឌ្ឍន៍របស់រដ្ឋាភិបាល ដែលដឹកនាំដោយគណបក្សប្រជាជនកម្ពុជា។
បន្ទាប់ពីបានស្តាប់ការឆ្លើយឆ្លងគ្នាដ៏ស្វិតស្វាញនេះ ខ្ញុំសូមធ្វើការសន្និដ្ឋានជារួមមួយជូនមិត្តអ្នកអាន ដូចតទៅ៖
១. ការលើកឡើងរបស់និសិ្សតមួយក្រុមក្នុងវេទិកាមួយ ដែលមានវត្តមាន លោកសូរិយា ស៊ូប៊ែរឌី អ្នករាយការណ៍ពិសេសរបស់ អ.ស.ប.ទទួលបន្ទុកផ្នែកសិទ្ធិមនុស្សនៅសាកលវិទ្យាល័យមេគង្គកម្ពុជា ត្រូវបានមហាជនយល់ថា មិនមែនជាទស្សនៈរួម (ទស្សនៈមានតែមួយជ្រុង) របស់និសិ្សតកម្ពុជានៅទូទាំងប្រទេសកម្ពុជានោះឡើយ ប៉ុន្តែជាទស្សនៈរបស់និស្សិតមួយក្រុម ដែលបានចូលជាសមាជិកនៃនិស្សិតបក្សនយោបាយ និងជានិស្សិតដែលបានទទួលអាហារូបករណ៍ពីប្រមុខរាជរដ្ឋាភិបាលខ្មែរ។ ការទាមទារពុំឲ្យមានអ្នករាយការណ៍ពិសេសទទួលបន្ទុកផ្នែកសិទ្ធិ មនុស្សរបស់ អ.ស.ប ប្រចាំនៅកម្ពុជា មិនបានឆ្លុះបញ្ចាំងពេញលេញពីឆន្ទៈមនសិការស្នេហាជាតិរបស់និស្សិត ខ្មែរចំពោះជាតិរបស់ខ្លួននោះទេ ផ្ទុយទៅវិញនិស្សិតជាច្រើនសែននាក់ដទៃទៀតដែលបានទទួលការអប់រំ ខ្ពស់ និងយល់ស៊ីជម្រៅពីបញ្ហាសង្គមខ្មែរ មិនបានគាំទ្រចំពោះការទាមទារដ៏អគតិរបស់និស្សិតមួយក្រុមនេះទេ ហើយសបញ្ជាក់ឲ្យឃើញពីខ្សែញាក់នយោបាយក្នុងហេតុផលកេងចំណេញផ្នែក នយោបាយ របស់គណបក្សកាន់អំណាចតែប៉ុណ្ណោះ។
២. ការរៀបចំវេទិកានេះទៀតសោត គឺត្រូវបានគេយល់ថាសម្រាប់ជជែកពិភាក្សាគ្នារវាងក្រុមនិស្សិត និងអ្នករាយការណ៍ពិសេសរបស់អង្គការសហប្រជាជាតិ ទទួលបន្ទុកសិទ្ធិមនុស្សនៅកម្ពុជា អំពីបញ្ហាប្រកួតប្រជែងផលប្រយោជន៍ក្នុងច្បាប់វិនិយោគបរទេស ប៉ុន្តែវេទិកានេះបានក្លាយទៅជាវេទិកានៃការសម្ដែងមតិរបស់និស្សិត មួយក្រុមដែលស្រែកថា «កម្ពុជាមិនត្រូវការអ្នករាយការណ៍ពិសេស» ទៅវិញ។ វេទិកាបែបនេះត្រូវបានមហាជនយល់ថាហាក់ដូចជាឆាកល្ខោនមួយដែល ត្រូវបានរៀបចំរួចជាស្រេចក្រោមការដឹកនាំរបស់ថ្នាក់ដឹកនាំនៃ សាកលវិទ្យាល័យមេគង្គកម្ពុជា។ និស្សិតទាំងនោះត្រូវបានរៀបចំចាត់តាំងរួចជាស្រេចសម្រាប់បញ្ចេញ សំឡេងរបស់ខ្លួននៅក្នុងវេទិកាចោទសួរចំអកដេញដោល និងវាយប្រហារលើរបាយការណ៍របស់លោក សូរិយា ស៊ូប៊ែរឌី។ ក្នុងនោះ បដាតវ៉ាមួយចំនួនត្រូវបានសរសេរទុករួចជាស្រេច មុនវត្តមានរបស់លោកស៊ូប៊ែរឌី និងនៅចុងបញ្ចប់នៃវេទិកាបដាទាំងនោះត្រូវបានលើកបង្ហាញដោយសំឡេង ទាមទារខ្លាំងៗ មុនដំណើរចាកចេញរបស់លោកស៊ូប៊ែរឌី យ៉ាងអាម៉ាស់ និងដោយហួសចិត្ត។
៣. ការទាមទារដ៏អគតិនេះ អាចធ្វើឲ្យរាំងស្ទះដល់លទ្ធភាពរបស់កម្ពុជា ក្នុងការចូលជាសមាជិកមិនអចិន្រៃ្តយ៍នៃអង្គការសហប្រជាជាតិនាពេល អនាគត ស្របពេលដែលពិភពលោកកំពុងសម្លឹងឃើញថាកម្ពុជានឹងអាចមានសមត្ថភាព គ្រប់គ្រាន់ក្នុងការចូលជាសមាជិកនេះ ក្រោមការដឹកនាំដ៏ត្រឹមត្រូវរបស់រាជរដ្ឋាភិបាលកម្ពុជា។ ដូច្នេះការទាមទារដ៏ឆោតល្ងង់របស់និស្សិតមួយក្រុមនេះ អាចប៉ះពាល់យ៉ាងធ្ងន់ធ្ងរដល់កិត្តិយសរបស់ប្រទេសជាតិលើឆាក អន្តរជាតិ និងទំនាក់ទំនងល្អជាមួយអង្គការសហប្រជាជាតិ ក៏ដូចជាប៉ះពាល់យ៉ាងធំធេងដល់កិត្តិនាមនិស្សិតខ្មែរទាំងមូល។
៤. មានក្រុមនិស្សិតខ្មែរជាច្រើននៅស្រុកខ្មែរ និងនៅបរទេសបានលើកឡើងថា និស្សិតមួយក្រុមដែលបានទាមទារបែបនេះបានលក់ឧត្តមគតិរបស់ខ្លួន ដើម្បីបម្រើដល់នយោបាយគណបក្សកាន់អំណាចប៉ុន្តែខ្ញុំយល់ថានិស្សិត ទាំងនោះពុំទាន់មានឧត្តមគតិសម្រាប់លក់ទេ ហើយបើលក់ ក៏គ្មានអ្នកទិញដែរដ្បិតគតិរបស់និស្សិតទាំងនោះជាគតិក្លាហានដ៏ អន់ថយមិនគ្រប់ជ្រុងជ្រោយនិងមិនឈរលើមូលដ្ឋានប្រាកដនិយម។
៥. នៅក្នុងប្រទេសកម្ពុជាមានគម្រោង និងសកម្មភាពវិនិយោគ ព្រមទាំងការអភិវឌ្ឍជាច្រើន ប៉ុន្តែភាគច្រើននៃការវិនិយោគ និងការអភិវឌ្ឍទាំងនោះ បានបណ្តាលឲ្យកើតមាននូវ ការរំលោភសិទ្ធិជាហូរហែ ដែលមិនត្រូវបានដោះស្រាយដោយយុត្តិធម៌ ដូចជា បញ្ហាសិទ្ធិមនុស្ស សិទ្ធិលំនៅឋាន សិទ្ធិកាន់កាប់ដីធ្លី សិទ្ធិបញ្ចេញមតិ សិទ្ធិទទួលបានព័ត៌មាន។ល។ ដូច្នេះហើយទើបលោកស៊ូប៊ែរឌី បានកំណត់នៅក្នុងរបាយការណ៍ជាក់ស្តែងរបស់ខ្លួនថា ប្រទេសកម្ពុជា ជាប្រទេសមួយដែលស្ថានភាពសិទ្ធិមនុស្សមិនត្រូវបានគោរពពេញលេញ និងមិនទាន់បានអនុវត្តជាក់ស្តែង ស្របតាមសេចក្តីថ្លែងការណ៍ស្តីពីសិទ្ធិមនុស្សនិងបទដ្ឋានច្បាប់នៃ អង្គការសហប្រជាជាតិនៅឡើយទេ។
៦. អ្នករាយការណ៍ពិសេសទទួលបន្ទុកផ្នែកសិទ្ធិមនុស្ស មិនមែនមានតែនៅកម្ពុជានោះទេ គឺមានសរុបទាំងអស់៧៤ប្រទេសឯណោះនៅលើពិភពលោក ដែលជាតួនាទីបេសកកម្មមួយពោរពេញទៅដោយសមត្ថភាព តម្លាភាពនៃការទទួលខុសត្រូវ និងជាតំណាងរបស់អង្គការសហប្រជាជាតិដែលប្រទេសស្ទើរតែមួយពិភពលោក បាន និងកំពុងទទួលស្គាល់ និងពឹងអាស្រ័យ៕

ខៀវ សំផន ថាគាត់ទទួលខុសត្រូវតិចជាងលោក ហ៊ុន សែន ទេ ក្នុងសម័យខ្មែរក្រហម

Tuesday, 28 May 2013

Justine Drennan

លោក ខៀវ សំផន ក្នុងសវនាការរបស់ អង្គជំនុំជម្រះសាលាដំបូង អ.វ.ត.ក កាលពីថ្ងៃចន្ទ។ រូបថត អ.វ.ត.ក

ភ្នំពេញៈ លោក ខៀវ សំផន អតីតប្រមុខរដ្ឋខ្មែរក្រហម បានប្រាប់សាលាក្តីខ្មែរក្រហមកាលពីម្សិលមិញថា លោកទទួលខុសត្រូវចំពោះសកម្មភាពរបស់ខ្មែរក្រហមតិចជាងលោកនាយករដ្ឋ មន្រ្តី ហ៊ុន សែន ទេ។
នៅថ្ងៃទី១ នៃសវនាការស្តីពីផលប៉ះពាល់លើជនរងគ្រោះដែលមានរយៈពេល ៤ ថ្ងៃអង្គជំនុំជម្រះបានផ្តោតលើសេចក្តីថ្លែងរបស់ដើមបណ្តឹង រដ្ឋប្បវេណីអំពីការឈឺចាប់ដែលពួកគេបានទទួលក្រោមរបបខ្មែរក្រហម ប៉ុន្តែតុលាការក៏បានអនុញ្ញាតឲ្យពួកគេចោទសួរទៅលោក ខៀវ សំផន និងលោក នួន ជា សហជនជាប់ចោទដែលនៅសល់ក្នុងសំណុំរឿង ០០២ ដែរ។
តុលាការបានបើកសវនាការប្រហាក់ប្រហែលគ្នានេះមួយក្នុងអំឡុងពេល ជំនុំជម្រះ ឌុច ប្រធានមន្ទីរស‑២១ ប៉ុន្តែសវនាការកាលពីម្សិលមិញ គឺជាលើកទី ១ សម្រាប់ការជំនុំជម្រះនាពេលបច្ចុប្បន្ននេះ។
ឆ្លើយតបទៅនឹងសំណួរដើមបណ្តឹងរដ្ឋប្បវេណីអំពីមូលហេតុអ្វីបានជា មានការឈឺចាប់ខ្លាំងក្រោមរបបខ្មែរក្រហម លោក ខៀវ សំផន បានក្រោកឈរ ឆ្លើយរៀបរាប់យ៉ាងវែង។
លោក ខៀវ សំផន បានថ្លែងបញ្ជាក់ថា ៖ «ជាបឋម ខ្ញុំសូមជម្រាបអ្នកទាំងអស់គ្នាថា ខ្ញុំមិនមែនជាខ្មែរក្រហមទេ ហើយខ្ញុំមិនអាចទទួលយកនូវការទទួលខុសត្រូវចំពោះការចោទប្រកាន់ ទាំងអស់នេះបានទេ»។
លោកថ្លែងថា៖ «ខ្ញុំសូមឲ្យឧទាហរណ៍ក្នុងករណីលោក ហ៊ុន សែន តើគាត់នឹងត្រូវទទួលខុសត្រូវចំពោះសកម្មភាពដែលបានប្រព្រឹត្តដោយ ខ្មែរក្រហមដែរឬយ៉ាងណា?»
ការជាប់ពាក់ព័ន្ធរបស់គណបក្សកាន់អំណាចបច្ចុប្បន្នជាមួយនឹង ខ្មែរក្រហមបានលើកឡើងពីមុនរួចហើយក្នុងសាលាក្តី។ ប៉ុន្តែវាជារឿងខុសធម្មតា ដែលជនជាប់ចោទបានក្រោកឈរ ហើយនិយាយរឿងរ៉ាវទាំងអស់ដែលជំពាក់ជំពិននឹងលោកនាយករដ្ឋមន្រ្តី ដែលជាមេបញ្ជាការតំបន់ខាងកើត ក្រោមរបបខ្មែរក្រហម មុនពេលលោកបានភៀសខ្លួនទៅវៀតណាម។
លោក ខៀវ សំផន បានបន្តថា៖ «ក្នុងករណីខ្ញុំវាដោយឡែកពីករណីលោក ហ៊ុន សែន។ ខ្ញុំមិនបានដឹងអ្វីសោះ អំពីថាតើអ្វីបានកើតឡើងរវាងឆ្នាំ ១៩៧៥ និង ១៩៧៩ នោះ»។
ដូចលើកមុនដែរ លោក ខៀវ សំផន បានអះអាងថា លោកពុំដឹងអ្វីទេ អំពីការសម្លាប់និងការអត់ឃ្លានក្រោមរបបនេះ ព្រោះលោកចំណាយរយៈពេលប៉ុន្មានឆ្នាំនោះនៅក្នុងការិយាល័យនៅ ក្រុងភ្នំពេញ។
លោកបញ្ជាក់ថា លោកបានដឹងអំពីការបោះបង់សាលារៀន ដោយសារថា កង្វះអ្នកជំនាញកម្ពុជានៅពេលនោះ នឹងធ្វើឲ្យសាលារៀនគ្មានប្រសិទ្ធភាព។
លោកបន្ថែមទៀតថា៖ «ខ្ញុំចង់សម្តែងនូវការអាណិតអាសូរចំពោះអ្នករាល់គ្នាចំពោះការឈឺ ចាប់និងបទពិសោធរបស់អ្នក ទាំងអស់គ្នាដែលបាត់បង់ឪពុកម្តាយ សាច់ញាតិ និងអ្នកជាទីស្រឡាញ់»។
ការបាត់បង់នោះត្រូវលើកឡើងដោយដើមបណ្តឹងរដ្ឋប្បវេណី ៤នាក់ដែលផ្តល់សក្ខីកម្មកាលពីម្សិលមិញ។
លោក យស ផល មន្ត្រីប៉ូលិសក្រោមរបប លន់ នល់ បានថ្លែងថា៖ «ខ្ញុំនៅតែម្នាក់ឯង គ្មានជំនួយអ្វីទេ»។ លោកបង្ហាញពីអារម្មណ៍ដែលអ្នកដទៃទៀតបានរំឭកបន្ទាប់ពីពួកគេបានមក ឃើញសមាជិកគ្រួសារនិងមិត្តភក្តិស្លាប់ដោយសារភាពអត់ឃ្លាន ឬត្រូវបានសម្លាប់ចោលដោយកម្មាភិបាលខ្មែរក្រហម។
ដើមបណ្តឹងរដ្ឋប្បវេណីដទៃទៀតគឺស្រ្តីម្នាក់ជាម្តាយកូនបួននាក់ ក្មេងប្រុសម្នាក់ និងអ្នកភេទទី៣ម្នាក់ នៅពេលខ្មែរក្រហមជម្លៀសពួកគេពីផ្ទះ និងបង្ខំពួកគេឲ្យធ្វើការជាទម្ងន់។
លោក នួន ជា បានបដិសេធមិនឆ្លើយសំណួររបស់ដើមបណ្តឹងរដ្ឋប្បវេណីនោះទេ ក្នុងសវនាការ នៅសាលាក្តីខ្មែរក្រហម កាលពីម្សិលមិញ៕ TK

Monday, May 27, 2013

កងនាវាចម្បាំងចិនចំនួន៣ សំរុកចូលមកសមុទ្រចិនខាងត្បូង

Monday, 27 May 2013 14:40

យោធាជើងទឹករបស់ចិន ទើបតែដំណើរការសមយុទ្ធសហការក្នុងសមុទ្រចិនខាងត្បូង ដោយមានការចូលរួមរបស់កងនាវាចម្បាំងចំនួន៣ ខណៈពេលដែលជម្លោះប្រទេសនេះជាមួយហ្វីលីពីនកាន់តែតានតឹង ។

កងនាវាចម្បាំងជើងទឹកចិនចំនួន៣ធ្វើសមយុទ្ធនៅសមុទ្រចិនខាងត្បូង ។

CCTV ទើបឲ្យដឹងថា សមយុទ្ធដែលត្រូវបានដំណើរការនៅតំបន់សមុទ្រភាគខាងត្បូងមានការចូលរួម របស់កងនាវាចម្បាំង៣គឺ កងនាវាចម្បាំងសមុទ្រខាងជើង ខាងកើត និងខាងត្បូង ចំណុះកម្លាំងទ័ពអាកាសជើងទឹកប្រជាមានិតចិន (PLA) ។

នាវាចម្បាំង និងនាវាមុជទឹកត្រូវបានកេណ្ឌប្រមូលមកធ្វើសមយុទ្ធ ។ ក្រុមអ្នកវិភាគលើកឡើងថា ការធ្វើសមយុទ្ធសហការលើសមុទ្រចិនខាងត្បូង ដែលមានការចូលរួមពីកងនាវាចម្បាំងដល់ទៅ ៣ បានបញ្ចប់កាលពីចុងសប្តាហ៍កន្លងមក ហើយវាបានប្រព្រឹត្តទៅជាលើកទីមួយហើយ គិតតាំងពីឆ្នាំ ២០១០ ដែលគ្រានោះក្រុងប៉េកាំងធ្វើឡើងបំណងប្រឆាំងនឹងការចូលរួមរបស់នាវា ផ្ទុកយន្តហោះ USS Goorge Washington ដែលធ្វើសមយុទ្ធរួមជាមួយកូរ៉េខាងត្បូង នៅសមុទ្រកូរ៉េ ។

សមយុទ្ធលើកនេះ ប្រព្រឹត្តទៅខណៈពេលដែលនាវាផ្ទុកយន្តហោះអាមេរិក USS Nimith ក៏ធ្វើសមយុទ្ធនៅសមុទ្រចិនខាងត្បូង ហើយជម្លោះតំបន់ទឹករាក់ Scond Thomas Shoal រវាងចិននិងហ្វីលីពីន កំពុងទាល់ច្រក (វៀតណាមក៏ប្រកាសអធិបតេយ្យភាពដែនទឹករាក់នេះដែរ) ។

ក្រុងប៉េកាំងហាក់ដូចជាចង់បង្ហាញជំហររឹងមាំរបស់ខ្លួនចំពោះហ្វីលីពីន និងវៀតណាម ។

ក្នុងពេលនោះដែរ នៅថ្ងៃទី២៦/៥ ស៊ីនហួរក៏បានឲ្យដឹងទៀតថា កងនាវាចម្បាំងខាងជើង បានចេញពីខេត្តសានតុងទៅកាន់តំបន់មជ្ឈិមអាត្លង់ទិក ដើម្បីសមយុទ្ធ ។

នៅថ្ងៃទី២៦/៥ នេះដែរ នាវាល្បាតសមុទ្រ៣គ្រឿងរបស់ចិន បានធ្វើការល្បាតមកកៀកតំបន់ប្រជុំកោះជម្លោះជាមួយជប៉ុន ក្នុងរយៈពេលប្រមាណ៥ម៉ោង សំដៅបណ្តេញនាវារបស់សកម្មជនជប៉ុន ។ ក្រសួងការបរទេសជប៉ុនបានធ្វើការប្រកាសប្រឆាំងនឹងសមយុទ្ធរបស់នាវា យោធាចិននៅតំបន់នោះដែរ ៕

ខ្មែរស្ថាបនា

លោក ស៊ូប៊ែឌី ចាត់ទុកអ្នករិះគន់លោកថាមិនបានអានរបាយការណ៍ចប់សព្វគ្រប់

អាស៊ីសេរី | Sunday, 26 May 2013 21:22:00

ក្រុម មនុស្សទាំងនោះ មានដូចជាមន្ត្រីរដ្ឋាភិបាល បុគ្គលខាងបក្សប្រឆាំង ខាងអង្គការសង្គមស៊ីវិល ពលរដ្ឋធម្មតា ជនរងគ្រោះពីការរំលោភសិទ្ធិមនុស្ស ដៃគូអភិវឌ្ឍន៍នៅកម្ពុជា និងតំណាងរាជធានីភ្នំពេញ។ ការងាររបស់លោក គឺស្ដាប់។ ស្ដាប់គ្រប់ភាគីទាំងអស់ ហើយធ្វើសេចក្ដីសន្និដ្ឋានផ្អែកលើមូលដ្ឋានព័ត៌មានដែលលោកបានទទួល រួចលោកនឹងវាយតម្លៃស្ថានភាពនោះ តាមចំណាប់អារម្មណ៍ និងទស្សនៈរបស់លោក ហើយសរសេរជារបាយការណ៍ដ៏ឯករាជ្យទាំងស្រុង មិនលម្អៀង និងមានកម្មវត្ថុច្បាស់លាស់ មិនដូចក្រុមនិស្សិតមួយចំនួនចោទប្រកាន់រូបលោកនោះទេ។ អ្នករាយការណ៍ពិសេសនៃអង្គការសហប្រជាជាតិ លោក សុរិយា ស៊ូប៊ែឌី បានចាត់ទុកអ្នករិះគន់របាយការណ៍របស់លោកថា អ្នកនោះមិនបានអានរបាយការណ៍របស់លោកឲ្យបានច្បាស់លាស់ និងចប់សព្វគ្រប់នោះឡើយ។ ការលើកឡើងរបស់លោក សុរិយា ស៊ូប៊ែឌី ដូច្នេះ ជាការឆ្លើយតបទៅនឹងអ្នកប្រឆាំងនឹងរូបលោក និងរបាយការណ៍របស់លោក នៅក្នុងដំណើរបេសកកម្មរបស់លោកនៅកម្ពុជា។

ចុចត្រង់នេះដើម្បីអានព័ត៌មានលម្អិតពីគេហទំព័រដើម

ពស់ថ្លាន់១ក្បាល និងកូន៣៩ ត្រូវអ្នកកំពង់ឆ្នាំង ផ្អើលនាំគ្នាទៅមើល

Monday, 27 May 2013 12:02 ដោយៈ ដើមអម្ពិល (DAP)-ID: 010

កំពង់ឆ្នាំងៈ ពស់ថ្លាន់ចំនួនពីរ មានពងប្រហាក់ ប្រហែលគ្នា ត្រូវបានគេប្រទះឃើញ នៅលើទឹកដីខេត្ត កំពង់ឆ្នាំង ក្នុងខែឧសភា ឆ្នាំ២០១៣ នេះ ។ នាយខណ្ឌ រដ្ឋបាល ព្រៃឈើ ខេត្តកំពង់ឆ្នាំង បានថ្លែងឲ្យដឹងថា បុរសម្នាក់រស់នៅ ក្នុងភូមិផ្សារលើ សង្កាត់ផ្សារឆ្នាំង ក្រុងកំពង់ឆ្នាំង បានប្រទះឃើញ ពស់ថ្លាន់មួយក្បាល និងពងរបស់វា ចំនួន៣៩ ខណៈដែលបុរសរូបនោះ ទៅកាប់ឆ្ការ ព្រៃក្បែរផ្ទះ។
ហេតុការណ៍ ដែលមានប្រជាពលរដ្ឋ នាំគ្នាផ្អើលទៅមើល ពស់ថ្លាន់ និងពង៣៩ របស់វានៅក្នុងផ្ទះបុរសឈ្មោះ តារា ហៅជឹម នេះ បានកើតឡើង កាលពីវេលា ព្រឹកថ្ងៃចន្ទ ទី២៧ ខែឧសភា ឆ្នាំ២០១៣ ស្ថិតនៅក្នុង ភូមិផ្សារលើ សង្កាត់ ផ្សារឆ្នាំង ក្រុងកំពង់ឆ្នាំង។
បុរសអ្នកប្រទះឃើញ ពស់ថ្លាន់ និងសំបុកពង បានឲ្យដឹងថា កាលពីព្រឹកថ្ងៃទី២៦ ខែឧសភា ឆ្នាំ២០១៣ លោកបានប្រទះឃើញ ពស់ថ្លាន់ និងសំបុកពង ពេលដែល បុរសរូបនោះដុតព្រៃ ដូចសព្វ មួយដងក្បែរផ្ទះ របស់លោក ហើយលោកក៏ យកមករក្សាទុក នៅផ្ទះ ខ្លាចពីសត្វ ឆ្កែខាំ ឬស៊ី។ យ៉ាងណាក៏ដោយ លោក សិន កុសល នាយរដ្ឋបាល ព្រៃឈើ ខេត្តកំពង់ឆ្នាំង បានមានប្រសាសន៍ថា នេះជាលើកទីមួយ ហើយ ដែលមានពលរដ្ឋ ប្រទះឃើញពស់ថ្លាន់ និងពងរបស់វា ចំនួន៣៩ នាំឲ្យមានប្រជាពលរដ្ឋ ភ្ញាក់ផ្អើលមើល។
យ៉ាងណាក៏ដោយ លោកថា ខាងលោក និងអង្គការ អភិរក្ស និងចុះទៅផ្ទះ របស់ប្រជាពលរដ្ឋ ដែលប្រទះឃើញ និងយករក្សា ទុកដោយយើងមិន អនុញ្ញាតឲ្យ មានការចិញ្ចឹមសត្វព្រៃនោះទេ។
នៅក្នុងផ្ទះ របស់លោក ពូ ជឹម ត្រូវបានគេ សង្កេតឃើញថា មានប្រជាពលរដ្ឋ ហូរហែនាំគ្នាផ្អើលទៅមើល ពស់ថ្លាន់ និងពង របស់វា តែសត្វពស់ថ្លាន់នោះ។ លោកបន្តថា ពស់ថ្លាន់នោះ មានចារឹតស្លូតបូត ទោះបីមានមនុស្សម្នាផ្អើល មើលវា និងពងរបស់វាក៏ដោយ។
ដោយឡែក ពស់ថ្លាន់ មួយក្បាលទៀត ដែលមានទំងន់ ប្រហែល១៨គីឡូក្រាម និងពងចំនួន ៣៨ពង ត្រូវបានប្រជាពលរដ្ឋ ប្រទះឃើញក្នុងគល់ឈើ មួយក្បែរវត្ត ខណៈ គ្រឿងចក្រឈូសឆាយធ្វើផ្លូវ របស់ក្រុមសម្តេចឪ បានឈូស ឆាយទួលវត្ត ព្រះស្រីព្រះជ័យ សូរវង្ស ស្ថិតក្នុង ភូមិកំពង់ព្រះ ឃុំឆ្នុកទ្រូ ស្រុកបរិបូណ៌ ខេត្តកំពង់ឆ្នាំង កាលពីថ្ងៃទី៨ ខែឧសភា ឆ្នាំ២០១៣ ។ ប្រជាពលរដ្ឋ ដែលចាប់ពស់ថ្លាន់ ខាងលើមាន ឈ្មោះ ខ្ជឹង អាយុ ៣០ឆ្នាំជាង រស់នៅភូមិកំពង់ព្រះ ឃុំឆ្នុកទ្រូ ស្រុកបរិបូណ៌ ខេត្តកំពង់ឆ្នាំង ហើយក៏បានយកទៅ ប្រគេនព្រះចៅអធិការវត្តដាក់ទ្រុង ក្រោមដើមទឹក ដោះគោ ។
ប្រជាពលរដ្ឋ អ្នករស់ក្នុង ភូមិបាននិយាយថា កាលពីឆ្នាំទៅម៉ិញ មានពស់ថ្លាន់មួយក្បាល បានពងនៅកន្លែនេះដែរ តែត្រូវជនខិលខូច ចាប់យកទៅលក់ នៅខេត្តពោធិសាត់ ប៉ុន្តែជននោះបាន ស្លាប់បាត់បង់ជីវិត ទៅហើយ។
ទួលវត្តកំពង់ព្រះអតីតកាល មានទូក១ឈ្មោះថា ម៉ឺននាគ ល្បីល្បាញ ប្រណាំងឈ្នះច្រើន លើកគ្មានគូប្រៀប គឺជាទូកលោកតាឧកញ៉ាគ្រលួច ។ ទួលវត្តកំពង់ ព្រះនេះតាម ជំនឿពីបូរាណ និយាយថាបើគេចង់មើល ពស់ឃើញពស់ បើគេចង់មើលក្រពើឃើញ ក្រពើ គេគ្រាន់តែអុជធូប៣ សរសៃរសុំម្ចាស់ ទឹកម្ចាស់ដី ដែលថែរក្សាទីទួលវត្ត នឹងមើលឃើញភ្លាម តែម្តង៕
លោក ជៀង សុវណ្ណារិទ្ធ អធិការស្រុកបរិបូណ៌បានអោយដឹងថា ពស់ថ្លាន់មានពងប្រមាណជា២០ពងប៉ុណ្ណោះ សព្វថ្ងៃព្រះចៅអធិការវត្តបានចិញ្ចឹមដាក់ក្នុងទ្រុង ហើយប្រជាពលរដ្ឋក្នុងភូមិ ជឿថាជាពស់មានបូរមី ។

ផ្ទុះគ្រាប់បែក នៅបាងកក របួសមនុស្ស៧នាក់

បាងកក៖ ព្រឹត្តិការណ៍ ផ្ទុះគ្រាប់បែក នៅរាមកំផែង នាយប់ថ្ងៃអាទិត្យ ម្សិលមិញ នៅក្បែរសាកលវិទ្យាល័យ រាមកំផែង បានធ្វើឱ្យមនុស្ស ៧នាក់របួស។
លោក តាន់សារិ អគ្គស្នងការរងនគរ បាលជាតិថៃ បានថ្លែងនៅកន្លែងកើតហេតុថា ករណីបំផ្ទុះគ្រាប់បែកនេះ មិន ជាប់ពាក់ព័ន្ធនឹង ថៃភាគខាងត្បូងទេ។
យ៉ាងណាក៏ដោយ សភាសន្តិសុខថៃ នៅល្ងាចចន្ទនេះ នឹងបើកកិច្ចប្រជុំ វាយតម្លៃអំពីករណីថាតើមាន ការជាប់ ពាក់ព័ន្ធ ថៃភាគខាងត្បូងដែររឺអត់។
កន្លែងកើតហេតុ ត្រូវបានសមត្ថកិច្ចហាមឃាត់ មិនឱ្យដំណើរចេញចូលនោះទេ៕

ដើម អម្ពិល

Friday, May 24, 2013

តើលោក ស៊ូប៊ែឌី មានឥទ្ធិពលលើ គ.ជ.ប ដែរឬទេ?

Written by:admin

Written on:May 21, 2013

Comments
are closed

ប្រធាន គណៈកម្មាធិការជាតិរៀបចំការបោះឆ្នោត (គ.ជ.ប) លោក អ៊ឹម សួស្តី បានអនុញ្ញាតឲ្យអ្នករាយការណ៍ពិសេសអង្គការសហប្រជាជាតិ ទទួលបន្ទុកសិទ្ធិមនុស្សកម្ពុជា លោក សុរិយា ស៊ូប៊ែឌី (Surya Prasad Subedi) ជួបពិភាក្សាការងារនៅថ្ងៃទី២១ ខែឧសភា។

Read more...

In category: politic

Thursday, May 23, 2013

ទស្សនៈចំពោះការវាយប្រហារដោយពាក្យសម្ដីពីក្រុមយុវជនចំពោះលោក ស៊ូប៊ែឌី

Written by:admin

Written on:May 23, 2013

មន្ត្រី អង្គការមិនមែនរដ្ឋាភិបាល ដែលឃ្លាំមើលបញ្ហាសង្គម និងយុវជននៅកម្ពុជា បានសម្ដែងការកោតសរសើរចំពោះយុវជនមួយក្រុមដែលបានប្រឆាំងដោយ ផ្ទាល់នៅចំពោះមុខលោក សុរិយា ស៊ូប៊ែឌី

(Surya Subedi) ស្ដីពីស្ថានភាពសិទ្ធិមនុស្សនៅកម្ពុជា ថារបាយការណ៍ស្ដីពីសិទ្ធិ

មនុស្សរបស់លោកមិនឆ្លុះបញ្ចាំងពីការពិត។ ប៉ុន្តែ សង្គមស៊ីវិលខ្លះបានអះអាងថា ការប្រឆាំងរបស់ក្រុមយុវជននោះ គឺជាការរៀបចំទុកជាមុនរបស់អ្នកនយោបាយ។

«សំឡេងស្រែកហោរ»

នេះជាសំឡេងស្រែកបញ្ចើចបញ្ចើរបស់យុវជនមួយក្រុម សំដៅទៅលោក សុរិយា ស៊ូប៊ែឌី អ្នករាយការណ៍ពិសេសអង្គការសហប្រជាជាតិ ស្ដីពីស្ថានភាពសិទ្ធិមនុស្សនៅកម្ពុជា បន្ទាប់ពីលោកបានថ្លែងបាឋកថា នៅសាកលវិទ្យាល័យមេគង្គកម្ពុជា កាលពីថ្ងៃទី២១ ឧសភា។

ការិយាល័យឧត្ដមស្នងការអង្គការសហប្រជាជាតិ ទទួលបន្ទុកសិទ្ធិមនុស្សប្រចាំកម្ពុជា បានសហការជាមួយសាកលវិទ្យាល័យមេគង្គកម្ពុជា កាលពីថ្ងៃទី២១ ឧសភា រៀបចំសិក្ខាសាលាអប់រំសិទ្ធិមនុស្សមួយ ទៅលើប្រធានបទស្ដីពីការប្រឈមទៅនឹងការផ្សះផ្សាជម្លោះផលប្រយោជន៍ នៅក្នុងច្បាប់ ស្ដីពីការវិនិយោគបរទេស ដោយមានយុវជនប្រមាណ ៤០០នាក់ ចូលរួម។ មូលហេតុតែមួយគត់ដែលនាំឲ្យអង្គការសហប្រជាជាតិរៀបចំពិធីនោះ ដោយសារតែសាកលវិទ្យាល័យនេះ គឺជាសាកលវិទ្យាល័យតែមួយគត់ដែលកំពុងផ្ដល់ការសិក្សាបរិញ្ញាបត្រ ជាន់ខ្ពស់ច្បាប់ជំនាញសិទ្ធិមនុស្ស។

ប៉ុន្តែ ក្ដីរំពឹងនេះ បានផ្ទុយទៅវិញ នៅបន្ទាប់ពីលោក សុរិយា ស៊ូប៊ែឌី ធ្វើបាឋកថាស្ដីពីការប្រឈមទៅនឹងការផ្សះផ្សាជម្លោះផលប្រយោជន៍នៅ ក្នុងច្បាប់ ស្ដីពីការវិនិយោគបរទេសរួច ហើយបើកឲ្យក្រុមនិស្សិតមកពីសាកលវិទ្យាល័យនានា សួរសំណួរទៅលោក។ យុវជនបុរសនារី ៦នាក់ បានសួរសំណួរ និងបញ្ចេញយោបល់ ដោយមានការប្រមាថទៅលើបុគ្គលលោកដោយផ្ទាល់។

«សំឡេងយុវជនសួរទៅកាន់លោក ស៊ូប៊ែឌី»

សំណួរទាំងនេះ ធ្វើឲ្យមានការអបអរសាទរពីនិស្សិតដែលចូលរួមស្ដាប់នៅក្នុងបន្ទប់សន្និសីទនោះ។

«សំឡេងទះដៃ»

តែទោះជាយ៉ាងណា លោក ស៊ូប៊ែឌី បានផ្ដល់ចម្លើយទាំងទឹកមុខញញឹម និងកោតសរសើរចំពោះភាពក្លាហានរបស់យុវជនដែលហានសួរសំណួរទាំងនេះ។

យ៉ាងណាក៏ដោយ អង្គការមិនមែនរដ្ឋាភិបាល ដែលធ្វើការក្នុងវិស័យលើកកម្ពស់យុវជន បានវាយតម្លៃព្រឹត្តិការណ៍ប្រឆាំងជំទាស់ចំពោះមុខលោក ស៊ូប៊ែឌី ដោយយុវជនមួយក្រុមនេះ ថាជាភាពអាម៉ាស់មួយដែលឆ្លុះបញ្ចាំងថាជាការរៀបចំទុកជាមុន ក្នុងរូបភាពនយោបាយ មិនបានផុសចេញពីបេះដូងពិតរបស់យុវជននោះទេ។

ប្រធានមជ្ឈមណ្ឌលប្រជាពលរដ្ឋដើម្បីអភិវឌ្ឍន៍ និងសន្តិភាព លោក យង់ គិមអេង បានសម្ដែងការសោកស្ដាយចំពោះការបាត់បង់ឱកាសរបស់យុវជនក្នុងការ ក្រេបយកចំណេះដឹងពីអ្នកជំនាញសិទ្ធិមនុស្ស។ លោកថា ក្នុងនាមជានិស្សិតដែលមានការយល់ដឹងច្រើន មិនគួរធ្វើប្រតិកម្មភ្លាមៗនោះទេ ពួកគេត្រូវមានគំនិតឈរលើការពិចារណាឲ្យបានច្រើន ដើម្បីធ្វើការប្រៀបធៀប។ លោកថា ព្រឹត្តិការណ៍នេះបានសបញ្ជាក់ឲ្យឃើញនូវតម្លៃអប់រំនៅកម្ពុជា។

ចំណែកប្រធានអង្គការកម្មវិធីអភិវឌ្ឍន៍ធនធានយុវជន លោក ជាង សុខា មានមតិថា លោកសូមឲ្យយុវជនរក្សានូវវប្បធម៌ចូលរួមឆ្លើយតបនៅរាល់បញ្ហានានា នៅក្នុងសង្គមផ្សេងៗ។ ប៉ុន្តែ លោកបារម្ភចំពោះយុវជនពីការទទួលបានព័ត៌មានពិត ពីព្រោះតាមបទពិសោធន៍ យុវជនមិនសូវបានទទួលព័ត៌មានពីសង្គមនោះឡើយ។

បើទោះបីជាមានការលើកសំណួររិះគន់ចំៗទៅរូបលោក និងមានយុវជនមួយចំនួនលើកបដា ដោយសរសេររិះគន់ និងបណ្ដេញរូបលោកចេញពីកម្ពុជា ក្ដី លោក សុរិយា ស៊ូប៊ែឌី នៅតែឆ្លើយតបដោយមិនខឹងសម្បារនោះទេ។

លោក សុរិយា ស៊ូប៊ែឌី៖ «ជាការពិត ក្នុងការរៀបចំជួយកម្ពុជា ដើម្បីធ្វើការអភិវឌ្ឍតទៅទៀតនោះ ដើម្បីឲ្យកាន់តែទទួលបានការគោរពពីសហគមន៍អន្តរជាតិ ព្រោះកម្ពុជា គឺជាសមាជិកដ៏សំខាន់របស់អង្គការសហប្រជាជាតិ។ តើយើងត្រូវធ្វើដូចម្ដេចក្នុងការបំពេញតួនាទីឲ្យកាន់តែសំខាន់ សម្រាប់អង្គការសហប្រជាជាតិ នោះគឺជាគោលបំណងនៃរបាយការណ៍របស់ខ្ញុំ។ អ្នកអាចគិតថាវាមិនគួរឲ្យជឿទេនូវអ្វីដែលខ្ញុំបាននិយាយ ប៉ុន្តែខ្ញុំជឿជាក់ថា អ្នកអាចយល់ក្នុងរយៈពេល ២០ឆ្នាំខាងមុខ ព្រោះពេលនេះអ្នកនៅក្មេងនៅឡើយ»។

ក្នុងបដាដែលយុវជនទាំងនោះសរសេរ ទាំងភាសាខ្មែរ និងអង់គ្លេសផង មានដូចជា សូមអង្គការសហប្រជាជាតិលុបចោលអ្នករាយការណ៍ពិសេសទទួលបន្ទុកសិទ្ធិ មនុស្សនៅកម្ពុជា ចោលទៅ! សុរិយា ស៊ូប៊ែឌី គ្មានជំហរអព្យាក្រឹត្យជាដើម។

អ្នកយកព័ត៌មានវិទ្យុអាស៊ីសេរី បានព្យាយាមសម្ភាសយុវជនដែលប្រឆាំងនឹងលោក ស៊ូប៊ែឌី ប៉ុន្តែពួកគេបដិសេធ។ ប៉ុន្តែនិស្សិតម្នាក់ក្នុងចំណោមនោះ បានប្រាប់កាសែតភ្នំពេញប៉ុស្តិ៍ថា ពួកគេជាសមាជិកក្រុមនិស្សិតនៃគណបក្សនយោបាយ។

យ៉ាងណា ព្រឹត្តិការណ៍នេះធ្វើឲ្យនិស្សិតមួយចំនួនក្នុងបន្ទប់សន្និសីទនេះ ដែលមិនបានដឹងមុន មានភាពស្រឡាំងកាំង។

យុវជន អំ ថងថេង ថ្លែងថា នេះជាភាពអាម៉ាស់មួយ និងសោកស្ដាយ ដែលយុវជនមួយក្រុមធ្វើបែបនេះ។

ខុសគ្នាតែ ១ថ្ងៃប៉ុណ្ណោះ ក្រុមអ្នកម៉ូតូឌុបបានវាយប្រហារដោយពាក្យសម្ដីទៅលើលោក ស៊ូប៊ែឌី ដោយប្រៀបធៀបដូចលោកទៅនឹងសត្វស្វា នៅខាងមុខទីស្នាក់ការការិយាល័យឧត្ដមស្នងការអង្គការសហប្រជាជាតិ ទទួលបន្ទុកសិទ្ធិមនុស្សប្រចាំកម្ពុជា។ លោក សុរិយា ស៊ូប៊ែឌី នឹងបញ្ចប់បេសកកម្មលើកទី៩ ដើម្បីស្វែងយល់អំពីវឌ្ឍនភាពនៃការអនុវត្តអនុសាសន៍ដែលលោកបានធ្វើ នៅក្នុងរបាយការណ៍របស់លោក ស្ដីពីប្រព័ន្ធតុលាការ កំណែទម្រង់សភា កំណែទម្រង់ប្រព័ន្ធបោះឆ្នោត និងសម្បទានដីសេដ្ឋកិច្ចរបស់លោក នៅថ្ងៃទី២៥ ឧសភា៕

_________________________

លោក ឱម យ៉ិនទៀង រិះគន់លោក ស៊ូប៊ែរឌី

Thursday, 23 May 2013

មាស សុខជា និង Kevin Ponniah

លោក សូរិយា ស៊ូប៊ែរឌីជួបលោក ឱម យ៉ិនទៀង ប្រធានគណៈកម្មាធិការសិទិ្ធមនុស្សកម្ពុជាកាលពីម្សិលមិញ។ រូបថត ហេង ជីវ័ន

ភ្នំពេញៈ ប្រេសិតអង្គការសហប្រជាជាតិទទួលបន្ទុកសិទិ្ធមនុស្ស លោក សូរិយា ស៊ូប៊ែរឌី បានរងការរិះគន់ពីលោក ឱម យ៉ិនទៀង ប្រធានគណៈកម្មាធិការសិទិ្ធមនុស្សកម្ពុជាកាលពីម្សិលមិញ ដែលហាក់ដូចជាការបន្ទរលើការរិះគន់លោកកន្លងមកពីសំណាក់ រដ្ឋាភិបាលបន្ទាប់ពីជំនួបគ្នារវាងអ្នកទាំងពីរស្តីពីស្ថានភាព សិទិ្ធមនុស្សនៅក្នុងព្រះរាជាណាចក្រកម្ពុជា។
ក្រោយជំនួបបិទទ្វាររយៈពេល ២ម៉ោង នៅទីស្តីការគណៈរដ្ឋមន្រ្តី លោក ឱម យ៉ិនទៀង ប្រធានគណៈកម្មាធិការសិទិ្ធមនុស្សកម្ពុជានិងជាប្រធានអង្គភាព ប្រឆាំងអំពើពុករលួយ បានថ្លែងក្នុងសន្និសីទសារព័ត៌មានថា លោកបានរិះគន់ទៅលើអនុសាសន៍របស់លោក សូរិយា ស៊ូប៊ែរឌី។ លោកបានថ្លែងថា៖ «យើងបានប្រាប់គាត់ថា ប្រសិនបើគាត់លើកឡើងនូវអនុសាសន៍បែបនេះ វាជាភ័ស្តុតាងច្បាស់ថា គាត់មិនបានពិនិត្យមើលរបាយការណ៍ដែលយើងបានផ្ញើឲ្យគាត់ទាល់តែ សោះ»។
លោកបានបន្ថែមថា៖ «យើងបាន[បកស្រាយអនុសាសន៍របស់គាត់] មួយចំណុចម្តងៗ ហើយបានផ្ញើទៅឲ្យគាត់ ប៉ុន្តែ ផ្ទុយទៅវិញ គាត់មិនបានទាំងមើលមួយបន្ទាត់ផង»។ លោកបញ្ជាក់ថា រដ្ឋាភិបាលបានឆ្លើយតបចំពោះបញ្ហាជាច្រើនរួចមកហើយ ដូចជាការបណ្តេញចេញនៅបឹងកក់ និងដីសម្បទានសេដ្ឋកិច្ច ដែលលោក សូរិយា ស៊ូប៊ែរឌី បន្តលើកមកពិភាក្សានោះ។
លោក សូរិយា ស៊ូប៊ែរឌី ដែលកំពុងបំពេញបេសកកម្មលើកទី៩ នៅកម្ពុជា បានបង្ហាញរបាយការណ៍ជូនក្រុមប្រឹក្សាសិទិ្ធមនុស្សអង្គការសហ ប្រជាជាតិ កាលពីខែកក្កដា និងខែកញ្ញាឆ្នាំមុន ជាមួយនឹងអនុសាសន៍ដែលផ្តោតជាចម្បងទៅលើកំណែទម្រង់ការបោះឆ្នោត និងផលប៉ះពាល់នៃដីសម្បទានមកលើសិទិ្ធមនុស្ស។
បន្ទាប់ពីកិច្ចប្រជុំកាលពីម្សិលមិញ លោក សូរិយា ស៊ូប៊ែរឌី បានបន្តនៅស្ងៀមស្ងាត់មិនផ្តល់ព័ត៌មានជាក់លាក់អំពីអ្វីដែលបាន ពិភាក្សាទេតែលោកសន្យាថា នឹងថ្លែងជាសាធារណៈ នៅក្នុងសន្និសីទសារព័ត៌មាននៅថ្ងៃសៅរ៍ មុនពេលលោកចាកចេញពីប្រទេសកម្ពុជា។
លោកបន្ថែមថា ៖ «បញ្ហាគ្រប់យ៉ាងពិតជាបានលើកឡើង ... ខ្ញុំបានទទួលព័ត៌មានជាច្រើន។ ខ្ញុំនឹងពិនិត្យវា ហើយវានឹងដាក់ចូលក្នុងរបាយការណ៍ដែលត្រូវដាក់ជូនក្រុមប្រឹក្សា សិទិ្ធមនុស្សអង្គការសហប្រជាជាតិ»។
លោកបានបន្តថា ការពិភាក្សារវាងគណៈកម្មាធិការសិទិ្ធមនុស្ស និងការិយាល័យសិទិ្ធមនុស្សរបស់អង្គការសហប្រជាជាតិក្នុងស្រុក កំពុងដើរទៅមុខទាក់ទងនឹងរបាយការណ៍សិទិ្ធមនុស្សកម្ពុជាដែលជា ផ្នែកនៃដំណើរការត្រួតពិនិត្យជាសកលជាប្រចាំរបស់អង្គការសហ ប្រជាជាតិ ដែលនឹងត្រូវដាក់ជូនអង្គការសហប្រជាជាតិនៅចុងឆ្នាំនេះដោយបញ្ជាក់ ថា ចំណុចនេះត្រូវបានលើកឡើងក្នុងកិច្ចប្រជុំ។
លោក ឱម យ៉ិនទៀង បានថ្លែងថា អនុសាសន៍របស់លោក សូរិយា ស៊ូប៊ែរឌី ពុំដែលតម្រង់គោលដៅលើក្រុមប្រឆាំងទេ។ លោកបានអះអាងថា អ្នករាយការណ៍ពិសេសរូបនេះ គួរពិនិត្យកិច្ចប្រឹងប្រែងរបស់ក្រុមប្រឹក្សាក្នុងការញុះញង់ជាតិ សាសន៍ និងកំហឹងលើបញ្ហាអន្តោប្រវេសន៍ និងបញ្ហាព្រំដែន។
លោកបានបន្ថែមថា ៖ «យើងនិយាយថា នៅអឺរ៉ុបក្រុមអាជ្ញាកណ្តាលបាល់ទាត់បានប្រកាសម្តងហើយម្តងទៀត ប្រឆាំងនឹងការរើសអើងជាតិសាសន៍ ដូច្នេះ នេះយើងបានប្រាប់គាត់យ៉ាងច្បាស់របាយការណ៍ឯកឧត្តម គឺមានស្តង់ដារទាបជាងអាជ្ញាកណ្តាលបាល់ទាត់នៅអឺរ៉ុប»។
លោកបានបន្តថា៖ «របាយការណ៍គាត់លម្អៀង។ គាត់រកឃើញនោះ មិនមានរបាយការណ៍ពហុបក្ស ហើយរបាយការណ៍នេះត្រូវយកមកប្រើដើម្បីចំណេញនយោបាយ»។ លោកប្រៀបធៀបការងាររបស់លោក ស៊ូប៊ែរឌី ទៅនឹងព្រួញដែលបាញ់មកតែខាងរដ្ឋាភិបាល។
សង្គមស៊ីវិលបានឆ្លើយតបនឹងការអត្ថាធិប្បាយរបស់លោក ឱម យ៉ិនទៀង ជាមួយនឹងការភ្ញាក់ផ្អើលតិចតួចកាលពីម្សិលមិញ។ លោក អ៊ូ វីរៈ ប្រធានមជ្ឈមណ្ឌលសិទិ្ធមនុស្សកម្ពុជា បានប្រដូចសម្តីលោក ឱម យ៉ិនទៀងទៅនឹងថាសចម្រៀងចាស់ដែលខូច។
លោកថ្លែងថា៖ «វាជាចម្រៀងចាស់។ វាជាការឆ្លើយតបដែលមិនធ្វើឲ្យខ្ញុំភ្ញាក់ផ្អើលទេ។ វាជាសម្តីចាស់ដែលនិយាយដដែលៗ ដោយសារតែរដ្ឋាភិបាលប្រឆាំងនឹងការរិះគន់នៅក្នុងកំណត់ត្រាសិទិ្ធ មនុស្សរបស់លោក ស៊ូប៊ែរឌី»។ លោកបន្ថែមថា៖«វាជាបញ្ហា ព្រោះវាបានបង្ហាញថា គ្មានឆន្ទៈនយោបាយដើម្បីទទួលស្គាល់ទេ ដូច្នេះ ពុំមានសេចក្តីប្រាថ្នាដោះស្រាយបញ្ហាទេ ហើយការរំលោភនឹងបន្តកើតមាន»៕ TK

តៃវ៉ាន់ទិញនាវាប្រឆាំងនាវាមុជទឹកពីអាមេរិក

Written by ភ្នំពេញដេលីញូវ
Wednesday, 22 May 2013 02:42
កាលពីម្សិលមិញមន្រ្តីកងទ័ពជើង ទឹករបស់តៃវ់ាន់បានប្រកាសថា កំពូងតែចរចាទិញ នាវាប្រឆាំង នាវាមុជទឹកពីអាមេរិកដែលមាន ឈ្មោះថា Perry។ តាមកាសែត Liberty Timesកាលពីថ្ងៃ 20/5 បានផ្សាយថាអាមេរិកនឹងបញ្ជូននាវា Perry អោយតៃវ៉ាន់នៅឆ្នាំ២០១៤ ក្នុងតំលៃ ២០លានដុល្លា សំរាប់ ២គ្រឿង។ ហើយជាមួយគ្នានោះដែរតៃវ៉ាន់ក៏ចង់ផ្លាស់ប្តូរនាវា Knox ដែលផលិតនៅឆ្នាំ 1960.ចេញ។ អាមេរិកមាននាវា Perry,ចំនួន៨គ្រឿងតៃវ៉ាន់ចង់ទិញ២គ្រឿង។.Perry អាចផ្ទុកទំងន់បាន4.100តោនតោន ។

ភ្លើងអគ្គិសនីនៅភ្នំពេញ ស្លាប់រស់ដោយសារតែវៀតណាម?

Written by ភ្នំពេញដេលីញូវ

Wednesday, 22 May 2013 12:03

នៅរសៀលថ្ងៃទី២២ ខែឧសភានេះ ភ្លើងអគ្គិសនី នៅទូទាំងរាជ ធានីភ្នំពេញបានដាច់ដោយសារ តែការផ្គត់ផ្គង់ មកពីប្រទេសវៀតណាម ត្រូវដាច់ដែរ។តាមព័តមានថា នៅពេលជាមួយគ្នានេះខណ្ឌចំនួន៣នៅព្រៃនរគរ ក៏ដាច់ស្របគ្នា ជាមួយនៅភ្នំពេញដែរ។ នេះជាបទពិសោធន៏មួយសំរាប់ខ្មែរ ។កន្លងមកកម្ពុជាបានទិញភ្លើងពីវៀតណាមប្រទេសវៀតណាម តាមកិច្ចព្រមព្រៀង តែវៀតណាមបានផ្គត់ផ្គង់មិនគ្រប់តាមកិច្ចព្រមព្រៀង ។

លោក ជា ស៊ីនហ៊ែល នាយកអាជីវកម្ម និងជានាយកបណ្តាញអគ្គិសនីកម្ពុជា និយាយឲ្យដឹងនៅថ្ងៃទី២២ ខែឧសភា ឆ្នាំ២០១៣ថា ភ្លើងដាច់ស្ទើរ នៅទូទាំងរាជធានីភ្នំពេញ នៅម៉ោងប្រមាណជាពីររសៀលថ្ងៃនេះ( ២២ឧសភា ) បណ្តាលមកពីដាច់ចរន្ធផ្គត់ផ្គង់មកពីប្រទេសវៀតណាម ។ ពេលនេះ ក្រុមមន្ត្រីជំនាញកំពុងតែប្រឹងប្រែងស្តារស្ថានភាពភ្លើងដាច់នេះ ឡើងវិញ តែមិនបានមួយរយភាគរយទេ។

លោក ជា ស៊ីនហ៊ែល បានបញ្ជាក់ថា ភ្លើងផ្គត់ផ្គង់មកពីប្រទេសវៀតណាម នាពេលកន្លងមក មានចំនួន ១៧០ មេហ្គាវ៉ាត់ គឺស្មើប្រមាណជា ៤០ ភាគរយ នៃភ្លើងមាននៅលើបណ្តាញជាតិ ចំនួនប្រមាណជា ៤០០ មេហ្គាវ៉ាត់។ ពេលនេះ អគ្គិសនីកម្ពុជា មានភ្លើងឡើងវិញ អាចផ្គត់ផ្គង់បានតែនៅក្នុងទីក្រុង ដែលជាកន្លែងសំខាន់ ចាំបាច់ប៉ុណ្ណោះ។

ឆេះក្រុមហ៊ុនរថយន្តដឹកអ្នកដំណើរ ម៉ីហុងទាំងស្រុង

Written by ភ្នំពេញដេលីញូវ

Thursday, 23 May 2013 01:18

នៅវេលាម៉ោង៧និង៣០នាទី ព្រឹកថ្ងៃទី២៣ខែឧសភាឆ្នាំ ២០១៣ ភ្លើងបានឆេះក្រុមហ៊ុនរថយន្ តដឹកអ្នកដំណើរ ម៉ីហុង ត្រេនស្វឺត ដែលស្ថិតនៅផ្ទះលេខ២៦៣ ផ្លូវលេខ៨៩ សង្កាត់បឹងកក់១ ខណ្ឌទួលគោក នៅខាងមុខលាសារៀន ទួលគោក។
ក្រុមពន្លត់អគ្គីភ័យបានជួយពន្លត់តែក្រុមហ៊ុនដែលមាន២ល្វែង នោះបានឆេះអស់រលីងតែម្តង។ មិនទាន់ឆេះដល់ស្ថាននីយ ប្រងឥន្ទនះតូតាល់ដែលនៅក្បែរនោះទេ។ ជាក្រុមហ៊ុនដឹកជញ្ជូនអ្នកដំណើរទៅខេត្តសៀមរាបនឹងក្រុងកំពង់សោមតាមរថយន្ត ទំនើប១២កោអី។

គេមិនទាន់ដឹងថា ភ្លើងឆេះក្រុមហ៊ុនម៉ីហុងនេះ ដោយសារមូលហេតុអ្វីនោះទេ ។

យុវតី១៨ឆ្នាំ ត្រូវគេវាយដោយសារមុខដូច Taylor Swift ពេក

Trackback

ផ្សាយក្នុងផ្នែក ព័ត៌មានកម្សាន្ត ដោយ soksovath កាលពី 2 hours ago 1 Comment(s)

យុវតីវ័យ១៨ឆ្នាំម្នាក់ ត្រូវបាននារីវ័យស្របាលគ្នាចាប់វាយយ៉ាងដំណំ ដោយសារតែនាងមានមុខមាត់ដូចតារាចម្រៀង Taylor Swift ពេក។

នារីរងគ្រោះដោយ សារសម្រស់ខ្លួនឯងនោះមានឈ្មោះថា Xenna Kristian មកពីតំបន់ Shropshire ប្រទេសអង់គ្លេស។ និស្សិតវ័យ១៨ឆ្នាំរូបនេះ បានរៀបរាប់ថានាងត្រូវបានគេទាញទម្លាក់ពីលើកៅអី ហើយទាត់ចំកណ្ដាលមុខជាច្រើនជើងថែមទៀត ក្នុងអំឡុងពេលសិក្សានៅសាកលវិទ្យាល័យមួយកាលពីថ្ងៃអង្គារកន្លង ទៅ។

នាង Xenna Kristian (ឆ្វេង) និង Taylor Swift

មិន ត្រឹមតែប៉ុណ្ណោះទេ នារីដែលវាយប្រហារនាងនោះ បានបន្តសកម្មភាពរបស់ខ្លួនមិនព្រមឈប់នោះទេ រហូតដល់មិត្តភ័ក្ដិដទៃទៀតចូលមកឃាត់ទើបឈប់។ ហេតុការណ៍ដែលកើតឡើងពីការច្រណែនគ្នានេះ ត្រូវបានរាយការណ៍ទៅប៉ូលិសនៅក្នុងតំបន់ហើយ។

Xenna បាននិយាយទាំងក្ដុកក្ដួលថា៖ “ខ្ញុំព្យាយាមដកខ្លួនចេញពីការវាយរបស់នាងនោះ រហូតដល់មិត្តដទៃទៀតមកជួយ។ គ្រូក្នុងថ្នាក់អត់បានធ្វើអ្វីទាំងអស់។ ខ្ញុំមិនដែលរំពឹងថារឿងនេះអាចកើតឡើងទេ។ ចាប់តាំងពីខ្ញុំឡើងសម្ដែងលើឆាកដោយធ្វើខ្លួនឲ្យដូចតារា ចម្រៀងល្បីមក មនុស្សដទៃចាប់ផ្ដើមនិយាយពីខ្ញុំ។ ពួកគេច្រណែននឹងខ្ញុំ”។

ម៉េចដែរ ដូចគ្នាអត់? Xenna Kristian (ឆ្វេង) ថតរូបមុនកើតហេតុ និង Taylor Swift

គិត មកទល់ពេលនេះមិនទាន់មានដំណោះស្រាយណាមួយជុំវិញបញ្ហានេះទេ។ អ្នកនាំពាក្យរបស់ប៉ូលិសក្នុងតំបន់នោះ មិនបានបញ្ជាក់អ្វីច្រើនពីរឿងនេះទេ ដោយគ្រាន់តែប្រាប់ថាបានទទួលរបាយការណ៍ពីរឿងនេះប៉ុណ្ណោះ។

ប្រិយមិត្តគិតថា Xenna មានមុខដូច Taylor Swift មែនអត់?

Xenna Kristian ក្នុងពេលឡើងសម្ដែងធ្វើឲ្យដូច Taylor Swift នៅលើឆាក កាលពីដើមឆ្នាំ២០១៣

Friday, May 31, 2013

Thursday, May 30, 2013

Tuesday, May 28, 2013

Monday, May 27, 2013

លោក ស៊ូប៊ែឌី ចាត់​ទុក​អ្នក​រិះគន់​លោក​ថា​មិន​បាន​អាន​របាយការណ៍​ចប់​សព្វគ្រប់

Friday, May 24, 2013

Thursday, May 23, 2013

Written by:admin

លោក ស៊ូប៊ែឌី ចាត់ទុកអ្នករិះគន់លោកថាមិនបានអានរបាយការណ៍ចប់សព្វគ្រប់