ក្រុងហ្សាការតា : ជា
រៀងរាល់ឆ្នាំបន្ទាប់ពីបញ្ចប់ពិធីបុណ្យ
បួសតមអាហាររ៉ាម៉ាដនរបស់អ៊ិស្លាមសាសនិកមួយសប្តាហ៍មកអ្នកភូមិដ្ឋាន
ម៉ូរីឡានិងម៉ាម៉ាឡាបានប្រារព្ធពិធីមួយឈ្មោះពូគុលសាពូ(Pukul
Sapu)។
ពិធីបុណ្យនេះគេឃើញមានក្រុមបុរសទាំងពីរភូមិខាងលើប្រើរំពាត់
ដើមផ្តៅទាំងបាច់យកទៅវាយខ្នងគ្នាទៅវិញទៅមកដោយឥតមានអាវពាក់។
យោងតាមប្រភពប្រជាជនក្នុងភូមិទាំងពីរ
បានឲ្យដឹងថាការវាយគ្នា
នឹងរំពាត់ផ្តៅរវាងអ្នកភូមិទាំងពីរគឺជាគោលដៅមួយនៃពិធីបុណ្យ
ដើម្បីរឹតបន្តឹងចំណងមិត្តភាពរឹងមាំនៃសហគមន៍ទាំងពីរដែលស្ថិត
នៅក្នុងខេត្តម៉ាលូគូប្រទេសឥណ្ឌូនេស៊ី។
ជាមួយនឹងឈុតខោខ្លីនិងមានឆ្នួត
ក្បាលផងដែរនោះគេឃើញបុរស
ក្លាហានតំណាងនៃអ្នកភូមិទាំងពីរបាននាំគ្នាឡើងសង្វៀនទៅតាម
ទំនៀមទម្លាប់ដោយប្រើរំពាត់ផ្តៅវាយគ្នាតែម្តង។
ការវាយតប់គ្នានឹងរំពាត់ផ្តៅនោះត្រូវបានដាក់កំណត់វាយគ្នាម្តង
ម្នាក់នៅលើខ្នងនិងដើមទ្រូង។
ពេលខ្លះគេឃើញមានរបួសចេញឈាមឲ្យរហាមផងដែរនៅលើដៃពួកគេ។
ពេលការវាយតប់គ្នានឹងរំពាត់ផ្តៅនោះ
បានបញ្ចប់
ឃើញថាស្នាមរបួសលើខ្លួនរបស់បុរសក្លាហានទាំងសងខាងត្រូវបានគេយក
ប្រេងវេទមន្តមកលាបលើខ្លួនដើម្បីបំបាត់ការឈឺចាប់
ដែលប្រេងនេះត្រូវបានគេជឿថាអាចតភ្ជាប់ឆ្អឹងបានទៀតផង។
ពិធីបុណ្យចម្លែករបស់អ្នកស្រុកក្នុង
ប្រទេសឥណ្ឌូនេស៊ីមួយនេះក៏
បានទាក់ទាញចំណាប់អារម្មណ៍ភ្ញៀសទេសចររាប់ពាន់នាក់មកចូលរួមទស្សនា
ជារៀងរាល់ឆ្នាំដោយមានទាំងវត្តមានភ្ញៀវកិត្តិយសថ្នាក់ជាន់ខ្ពស់
របស់មន្ត្រីរដ្ឋាភិបាលនិងមន្ត្រីថ្នាក់ស្រុកចូលរួមផងដែរ៕ ប្រភពពី៖ ខ្មែរស្ថាបនា
No comments:
Post a Comment