ព្រះសីហនុ ៖ ចោរប្លន់ប្រដាប់អាវុធមួយក្រុមត្រូវអស់លក្ខណ៍ដោយសារតែនៅពេល ប៉ុនប៉ងចូលប្លន់អ្នកដូរលុយនៅក្នុងផ្ទះ ប៉ុន្តែដោយសារតែអស់លក្ខណ៍បាញ់មិនចេញគ្រាប់កាំភ្លើង ក៏ត្រូវប្រជាពលរដ្ឋព្រួតវាយម្នាក់១ដៃ១ជើងឡើងទ្រមខ្លួន។ ចំណែកក្រុមចោរ២នាក់ដែលជាបក្ខពួកបាននាំគ្នាគេចខ្លួនអស់ បន្សល់ទុកកាំភ្លើងខ្លី២ដើម។
ប្រភព
ព័ត៌មានបានឲ្យដឹងថា
ហេតុការណ៍នោះបានកើតឡើងកាលពីវេលាម៉ោង១រសៀល ថ្ងៃទី១៨ ខែសីហា
ឆ្នាំ២០១៣ នៅចំណុចផ្ទះដូរលុយ នៅខាងត្បូងជាប់នឹងផ្សារលើ
ស្ថិតក្នុងភូមិ២ សង្កាត់លេខ៤ ក្រុងព្រះសីហនុ។
បើ
តាមសាក្សីជាច្រើននៅកន្លែងកើតហេតុបានឲ្យកម្ពុជាថ្មីដឹងថា
នៅពេលកើតហេតុខាងលើ គេបានឃើញក្រុមចោរប្លន់ចំនួន៣នាក់
បានជិះម៉ូតូ១គ្រឿងម៉ាក C125 ពណ៌
ខ្មៅ ឆ្នាំ២០០៨ ពុំស្គាល់ស្លាកលេខ បានឈប់នៅមុខផ្ទះកើតហេតុ។
ប្រភពបន្តថា ភ្លាមៗនោះ
មានបុរសម្នាក់ក្នុងចំណោមបក្ខពួកគេបានចុះពីលើម៉ូតូ
ហើយដកកាំភ្លើងពីចង្កេះបាញ់សំដៅទៅលើម្ចាស់ផ្ទះ
ក្នុងគោលបំណងបាញ់សម្លាប់ប្លន់ទ្រព្យសម្បត្តិ។
ប៉ុន្តែដោយសារតែដល់ថ្ងៃអន្សា
កាំភ្លើងរបស់ជនសង្ស័យនោះបាញ់មិនផ្ទុះជាហេតុធ្វើឲ្យប្រជាពលរដ្ឋ
នៅក្បែរនោះ
បានស្ទុះទៅប្រតាយប្រតប់ព្រួតគ្នាចាប់បានម្នាក់រួមនឹងកាំភ្លើង
ខ្លីមួយដើម។
រីឯបក្ខពួកចោរប្លន់២នាក់ទៀតភ័យស្លន់ស្លោក៏ជិះម៉ូតូគេចខ្លួន
ហើយភ្លាត់ស្នៀតជ្រុះកាំភ្លើង១ដើមថែមទៀត។
អធិការ
នគរបាលក្រុងបានឲ្យដឹងថា
ជនសង្ស័យដែលត្រូវចាប់ខ្លួនមានឈ្មោះអ៊ិត ស៊ីដា ភេទប្រុស
អាយុ៤២ឆ្នាំ មុខរបរ ជាងសំណង់ រស់នៅស្រុកដងទង់ ខេត្តកោះកុង។
ក្រោយពេលឃាត់ខ្លួនសមត្ថកិច្ចបានដកហូតកាំភ្លើងខ្លីម៉ាក K-54 ១ដើម មាន៦គ្រាប់ និងម៉ាក K-59 ១
ដើមទៀតមាន៥គ្រាប់។
ចំណែកជនសង្ស័យ២នាក់ដែលរត់គេចខ្លួនបាត់រួមជាមួយម៉ូតូនោះ
សមត្ថកិច្ចកំពុងតាមស្រាវជ្រាវរកអត្តសញ្ញាណ ដើម្បីយកមកផ្ដន្ទាទោស។
សមត្ថកិច្ច
បានឲ្យដឹងថា
នេះជាសំណាង១ក្នុង១ពាន់គ្រោះថ្នាក់ដែលជនរងគ្រោះឈ្មោះកៅ ធូង
ភេទប្រុស អាយុ៤៤ឆ្នាំ មុខរបរដូរលុយ
បានរួចផុតពីការប៉ុនប៉ងសម្លាប់ប្លន់ទ្រព្យសម្បត្តិ
ដោយក្រុមចោរប្រដាប់អាវុធធ្វើសកម្មភាពមិនបានសម្រេចដោយសារតែ
ក្រុមចោរអស់លក្ខណ៍បាញ់មិនចេញគ្រាប់កាំភ្លើង។
សមត្ថកិច្ចក៏សាកសួរមនុស្ស២នាក់ទៀតផងដែរដើម្បីស៊ើបអង្កេតរកមុខ
សញ្ញាចោរប្លន់បន្តទៀត៕ ប្រភពពី៖ កម្ពុជាថ្មី
No comments:
Post a Comment