បើតាមសំដីអ្នកនៅកន្លែងហេតុការណ៍បានអោយដឹងថាៈ ជនរងគ្រោះត្រូវបានរថយន្តកាមរីឆ្លាម ពាក់ស្លាកលេខ ៣៨៣៤ ពណ៌ស្ករ បានបើកជែងរថយន្តធំបើកស្របទិសគ្នាពីលិចទៅកើត ក៏ជ្រុសចង្កូចរថយន្តគៀម៉ូតូស្ត្រីរងគ្រោះ ដួលបែកជើង និងឈាមហូរលើផ្ទៃមុខ ចំណែករថយន្តឆ្លាមវិញឃើញដូច្នោះក៏បើកគេចខ្លួនបាត់ស្រមោលទៅកាន់ ទិសកើត។
លោក សៅ សារឿននាយផ្នែកនគរបាលសណ្តាប់ធ្នាប់ចរាច បានប្រាប់តាមទូរស័ព្ទថាៈស្ត្រីរងគ្រោះមានឈ្មោះខាន់ផាន់ ចរិយា អាយុ២៨ឆ្នាំ មានទីលំនៅក្រុងប៉ោយប៉ែត មានមុខរប ជាអនុភូមិអូរឬស្សីលើ និងបំរើការនៅអង្ករការទស្សនពិភពលោកក្រុងប៉ោយប៉ែត បើកបររម៉ូតូម៉ាកហុងដាឌ្រីមសេ១២៥ ស៊េរីឆ្នាំ២០០៤ ពណ៌ខៀវ អត់ស្លាក់លេខ រងរបូសធ្ងន់ត្រង់ជើង និងចេញឈាមផ្នែកផ្ទៃមុខ។
លោក សៅ សារឿនបានបញ្ជាក់ថាៈស្ត្រីរងគ្រោះបានបញ្ជូនទៅកាន់មន្ទីរពេទ្យ បង្អែកប៉ោយប៉ែត ចំណែកម៉ូតូយកទៅរក្សាទុកនៅអធិការដ្ឋានក្រុងប៉ោយប៉ែត ចំណែករថយន្តខាងលើនេះកំពុងស្រាវជ្រាវនិងតាមប្រមាញទូទាំង ខេត្តបន្ទាយមានជ័យ ដើម្បីយកដោះស្រាយតាមនិតិវិធីច្បាប់ និងផ្តន្ទាទោស៕ ដោយ កែម ចិន្តា
No comments:
Post a Comment