រាជធានីភ្នំពេញ ៖ ជនសង្ស័យម្នាក់
បានធ្វើសកម្មភាពចូលទៅលួចទូរស័ព្ទដៃ នៅក្នុងក្រុមហ៊ុន លក់
និងជួសជុលម៉ាស៊ីនថតចម្លង យីហោ សេមអូហ្វីស អូតូ មេហ្សិន
ប៉ុន្តែសំណាងអាក្រក់ត្រូវបានប្រជាពលរដ្ឋ ឃើញទាន់ ដេញចាប់បាន និងបាននាំគ្នាស្វាគមន៍ម្នាក់មួយដៃ ម្នាក់មួយជើង ទើបយកទៅប្រគល់ឲ្យសមត្ថកិច្ច។
ហេតុការណ៍នេះបានកើតឡើងកាលពីវេលាម៉ោង ៤និង២០នាទីទៀបភ្លឺ
ថ្ងៃទី២៨ ខែសីហា ឆ្នាំ២០១៣ ស្ថិតនៅតាមបណ្តោយផ្លូវលេខ១៩៩ កែងលេខ៣៣៨
ក្នុងសង្កាត់ស្ទឹងទួលស្វាយព្រៃទី២ ខណ្ឌចំការមន។
បើតាមប្រភពព័ត៌មានពីសមត្ថកិច្ចបានឲ្យដឹងថា
ជនសង្ស័យដែលត្រូវបានប្រជាពលរដ្ឋចាប់ឃាត់ខ្លួនខាងលើនេះមានឈ្មោះ
សុខ លី ភេទប្រុស អាយុ២០ឆ្នាំ មុខរបរមិនពិតប្រាកដ
ស្នាក់នៅក្នុងសង្កាត់ផ្សារដើមគរ ខណ្ឌទួលគោក ។
ប្រភពដដែលបានបន្តទៀតថា មុនពេលកើតហេតុ
ជនសង្ស័យបានធ្វើសកម្មភាពលួចចូលទៅក្នុងក្រុមហ៊ុនខាងលើ
លួចយកទូរស័ព្ទដៃចំនួន៦គ្រឿង។ បន្ទាប់ពីលួចបានហើយ
ជនសង្ស័យក៏បានចេញមកវិញ ក៏ប៉ុន្តែចៃដន្យត្រូវបានប្រជាពលរដ្ឋប្រទះឃើញ
ក៏នាំគ្នាដេញចាប់ រួចក៏ព្រួតវាយម្នាក់មួយដៃ មួយជើង
បណ្តាលឲ្យជនសង្ស័យរងរបួសធ្ងន់។
បច្ចុប្បន្នជនសង្ស័យត្រូវបានសមត្ថកិច្ចឃុំខ្លួនជាបណ្តោះអាសន្ន
នៅអធិការដ្ឋាន ដើម្បីធ្វើការសាកសួរ
និងកសាងសំណុំរឿងបញ្ជូនទៅកាន់តុលាការ ចាត់ការទៅតាមនីតិវិធីច្បាប់៕
ប្រភពពី៖ វត្តភ្នំ
No comments:
Post a Comment