អភិបាល​ ខណ្ឌមានជ័យ ប្រាប់ក្រុមយុវ ជនខណ្ឌ ត្រៀមខ្លួន សម្រាប់យុទ្ធនាការ ឃោសនាបោះឆ្នោត

ភ្នំពេញ  ៖ អភិបាលខណ្ឌមានជ័យ លោក គួច ចំរើន បានអំពាវនាវ និងប្រាប់ ទៅក្រុមយុវជន ខណ្ឌមានជ័យទាំងអស់ឱ្យ ត្រៀមខ្លួនរួចជាស្រេច ក្នុងយុទ្ធនាការ ឃោសនាបោះឆ្នោត ដែលនឹងប្រព្រឹត្ដទៅ នៅចុងខែមិថុនា ឆ្នាំ ២០១៣ នេះ ។
ការថ្លែងជំរុញ ពីសំណាក់អភិបាលខណ្ឌ ខាងលើនេះ បានធ្វើឡើងក្នុងពិធីហូបបាយ សាមគ្គី ជាមួយក្រុមយុវជនខណ្ឌមានជ័យ ទាំងអស់ នៅរសៀលថ្ងៃទី០៨ ខែមិថុនា ឆ្នាំ ២០១៣ នៅពេលដែលលោកបានបញ្ចប់ ការចូលរួមពិធីសម្ពោធផ្លូវបេតុង ជាមួយ លោកអភិបាល រាជធានីភ្នំពេញ នៅក្នុង ខណ្ឌមានជ័យនោះ ។
លោក គួច ចំរើន បានថ្លែងថា ចាប់ពី ថ្ងៃទី២៧ ខែមិថុនា ឆ្នាំ ២០១៣ យុទ្ធនា ការឃោសនាបោះឆ្នោត សម្រាប់គណបក្ស នយោបាយទាំងអស់ ដែលចូលរួមប្រកួត ប្រជែងនឹងចាប់ផ្ដើមឡើង ដូច្នេះក្រុមយុវ ជនរបស់ខណ្ឌមានជ័យទាំងអស់ ដែលជា កម្លាំងស្នូលផងនោះ ត្រូវចូលរួមទាំងអស់  គ្នា ដើម្បីផ្សព្វផ្សាយគោលនយោបាយគណ បក្សទៅកាន់ប្រជាពលរដ្ឋ ឱ្យបានដឹង និង ជ្រាបគ្រប់ៗគ្នា ៕

ប្រភព ដើមអម្ពិល