រដ្ឋាភិបាលប្រទេសថៃ អំពាវនាវឲ្យប្រព័ន្ធផ្សព្វផ្សាយព័ត៌មានទាំងអស់ ត្រូវតែមានការទទួលខុសត្រូវ
លោកស្រី យីងឡាក់ បានបន្ថែមទៀតថា សេរីភាពដែលគ្មានការទទួលខុសត្រូវ អាចនាំឲ្យមានភាពច្របូកច្របល់ ការយល់ខុស និងចលាចល។ លោកស្រី យីងឡាក់ បាននិយាយថា «សេរីភាពសារព័ត៌មានគ្មានព្រំដែន សូម្បីតែនៅក្នុងប្រទេសមានលទ្ធិ ប្រជាធិបតេយ្យជឿនលឿនក៏ដោយ ពោលគឺតែងតែមានការគិតគូរអំពីផលប្រយោជន៍សាធារណៈ និងសណ្តាប់ធ្នាប់ សិទ្ធិឯកជន ព្រមទាំងសន្តិសុខជាតិ។ ជាងនេះទៀត យើងចាំបាច់ត្រូវទទួលស្គាល់ថា អាចមានភាគីដែលចង់កែប្រែព័ត៌មាន សម្រាប់ប្រយោជន៍ផ្ទាល់របស់គេ»។ លោកស្រី យីងឡាក់ បានបន្ថែមថា បញ្ហានេះ កាន់តែមានភាពស្មុគស្មាញ ដោយសារតែភាពជឿនលឿននៃបច្ចេកវិទ្យា ជាពិសេស ក្នុងបណ្តាញអ៊ិនធឺណេត ដែលជាបណ្តាញមួយអាចមានទាំងផលល្អនិងផលអាក្រក់៕
No comments:
Post a Comment