ថ្មីៗនេះសំបុត្រមួយច្បាប់
របស់ Brad Pitt សរសេរពីភរិយារបស់ខ្លួន នៅចុងខែ ៣/២០១២
ត្រូវបានទម្លាយចេញ ។
គាត់បានបង្ហាញនូវពាក្យពេចន៍ស្នេហាស្មោះសរបំផុតសម្រាប់ឲ្យ Angelena
Jolia ។
ខ្លឹមសារនៃសំបុត្រនេះបានអង្រួនបេះដូងរបស់មនុស្សជាច្រើនធ្វើឲ្យ
គេរំភើបស្រក់ទឹកភ្នែកដោយពុំដឹងខ្លួន ។
អាថ៌កំបាំងរបស់ស្នេហា
ប្រពន្ធខ្ញុំកំពុងឈឺ ។
នាងកំពុងខ្វល់ខ្វាយរឿងការងារ
ជីវភាពប្រចាំថ្ងៃបរាជ័យទាំងឡាយរបស់ខ្លួន និងរួមទាំងបញ្ហារបស់កូនៗ ។
ឥឡូវនាងនៅត្រឹមតែ 41kg ប៉ុណ្ណោះ គឺបាត់បង់ទម្ងន់កដល់ទៅ១៤kg
ដោយសារកង្វល់ទាំងនោះ ។ នាងស្គមស្គាំង ហើយយំយែកជាប្រចាំ ។
ដូច្នេះពិតណាស់នាងពុំមែនជាស្ត្រីម្នាក់មានសុភមង្គលទេ ។
នាងថែមទាំងច្រើនឈឺក្បាល បេះដូង មិនឈប់ឈរ សរសៃប្រសាទត្រូវគាបនៅខ្នង
និងឆ្អឹងជំនីរតែងធ្វើទុក្ខនាង ។
នាងពិបាកដេកអាចលក់បានមួយស្រឡេតនៅពេលព្រឹកព្រលឹម
ហេតុនេះច្រើនបង្ហាញនូវការហត់នឿយពេលថ្ងៃ ។
ទំនាក់ទំនងរបស់យើងខ្ញុំរបស់យើងខ្ញុំពេលនោះស្ទើរតែប្រឈមនឹង
ការបែកបាក់... ។
តើភាពស្អាតដែលធ្លាប់មានរបស់នាងទៅណា
បាត់ហើយ? ត្របកភ្នែកចាប់ផ្តើមជាំខ្មៅ សក់ក្បាលកន្ទ្រីងកន្ទ្រើង
ហើយនាងពុំចង់ថែទាំដល់ខ្លួនឯងទៀត ។ នាងបដិសេធរាល់ខ្សែភាពយន្ត
និងពុំទទួលយកតួសម្តែងណាមួយទាំងអស់ ។ ខ្ញុំសញ្ជឹងគិតម្នាក់ឯងថា
ប្រហែលជាខ្ញុំគ្មានសង្ឃឹមក្នុងទំនាក់ទំនងនេះទៀតហើយៗនឹងឆាប់
ចែកផ្លូវគ្នា ។
ប៉ុន្តែ...រួចខ្ញុំសម្រេចចិត្តត្រូវធ្វើអ្វីមួយភ្លាម... ។
ខ្ញុំចាប់ផ្តើមសកម្មភាពដោយការកាដូ
ផ្កា ផ្តល់ឲ្យនាងនូវការបំបោសអង្អែល និងលួងលោម ។
ខ្ញុំតែងប្រឹងប្រែងធ្វើឲ្យនាងស្រឡាំងកាំងដោយសុភមង្គល ។
ខ្ញុំកាដូរបស់របរ ហើយរស់ដើម្បីតែនាងម្នាក់ ។
ខ្ញុំតែងងសំដែងមោទនភាព អំនួត ជាមួយមនុស្សគ្រប់រូប
ពីភរិយាដ៏អស្ចារ្យរបស់ខ្ញុំជាប្រចាំ ។ ខ្ញុំប្រឹងប្រែង
និងស្វែងយល់ពីគោលដៅនៃការពិចារណារបស់នាង
ហើយតែងស្ងើចសរសើរនាងជាប្រចាំចំពោះមុខមិត្តភក្តិ... ។
ពិតជាស្មានមិនដល់មែន
នាងបានត្រឡបប់មកកាន់ភាពស្រស់ស្រាយដូនគ្រាណានោះ ។
ថែមទាំងអស្ចារ្យជាងពេលនោះទៅទៀត
ទម្ងន់របស់នាងឡើងបាត់ភាពខ្វល់ខ្វាយ
ហើយស្រឡាញ់ខ្ញុំជាងពេលណាៗទាំងអស់ ។ ខ្ញុំក៏ពុំអាចបកស្រាយបានថា
ហេតុអ្វីនាងស្រឡាញ់ខ្ញុំដល់ថ្នាក់នេះ? ។
...ស្រាប់តែខ្ញុំយល់បានថា
ស្ត្រីគឺជាផ្ទាំងកញ្ចក់របស់បុរសដែលគេស្រឡាញ់ប្រសិនបើអ្នកស្រឡាញ់
នាងយ៉ាងងប់ងល់នោះ នាងក៏ផ្តល់ឲ្យអ្នកវិញនូវប្រការដូចគ្នាដែរ ៕
Brad Pitt
ប្រភព Khmer Sthapana News
No comments:
Post a Comment