សមត្ថកិច្ចដោះលែងគ្រូបង្រៀនអារកសន្តិសុខហាងខារ៉ាអូខេ
- Friday, 17 May 2013
- ប៊ុត រស្មីគង្គា
លោក កុល ផល្លី ស្នងការរងនគរបាលខេត្តព្រះសីហនុ បានថ្លែងថា លោក កែម សុវណ្ណ វ័យ២៥ឆ្នាំ ជាគ្រូបង្រៀនអនុវិទ្យាល័យមិត្តភាពក្រុងព្រះសីហនុ ត្រូវបានដោះលែងកាលពីថ្ងៃព្រហស្បតិ៍ បន្ទាប់ពីមានការសម្របសម្រួលរវាងភាគីទាំងពីរហើយជនរងគ្រោះបានដក ពាក្យបណ្តឹងវិញ បន្ទាប់ពីគាត់ក៏បានសុខចិត្តសងជំងឺចិត្តជនរងគ្រោះ។
លោកបានប្រាប់ថា៖ «នេះជាករណីអចេតនា ហើយគ្រូបង្រៀនរូបនោះពុំមានបំណងសម្លាប់ជនរងគ្រោះទេ។ ករណីនេះ ឥឡូវបានដោះស្រាយចប់ហើយ។ គាត់ត្រូវដោះលែងបន្ទាប់ពីបានសងជំងឺចិត្តទៅឲ្យជនរងគ្រោះ»។
តែទោះជាយ៉ាងណាលោកមិនប្រាប់លម្អិតពីករណីនេះឡើយ។
មន្រ្តីនគរបាលសុំមិនបញ្ចេញឈ្មោះ បានឲ្យដឹងថា លោកកែម សុវណ្ណ ត្រូវគេដោះលែងបន្ទាប់ពីមានការសម្របសម្រួលជាមួយជនរងគ្រោះ ឈ្មោះ អ៊ីម រតនា វ័យ២៦ឆ្នាំ ឲ្យព្រមដកពាក្យបណ្តឹងជាមួយការបង់ប្រាក់៦៥០ម៉ឺនរៀលជាសំណងឲ្យ ជនរងគ្រោះ។
មន្រ្តីរូបនេះបញ្ជាក់ថា លោក កែម សុវណ្ណ និងមិតុ្តភក្តិគាត់ពីរនាក់បានចាប់សន្តិសុខខារ៉ាអូខេ ម្នាក់អារកគាត់នឹងកាំបិតឲ្យរងរបួសត្រូវដេរ ២០ថ្នេរ។
លោក ប៊ូ ប៊ុនហ៊ាង ព្រះរាជអាជ្ញាអមសាលាដំបូងខេត្តព្រះសីហនុ មិនអាចសុំការបំភ្លឺបានទេកាលពីថ្ងៃម្សិលមិញ។ លោក កែម សុវណ្ណ និងគ្រួសាររបស់លោក ក៏មិនអាចទាក់ទងបានដូចគ្នាកាលពីម្សិលមិញ៕ NR
No comments:
Post a Comment