សូមស្វាគមន៍ ការមកកាន់ website khmervital របស់យើងខ្ញុំ ជូនពរឳ្យលោកអ្នកជូបតែសំណាងល្អ និងរកទទូលទៀនមានបានគ្រប់ពេលវេលា សូមអគុណ......
Monday, May 20, 2013
តៃវ៉ាន់ធ្វើសមយុទ្ធគំរាមហ្វីលីពីន
Friday, 17 May 2013
ឧទ្ធម្ភាគចក្រស៊ើបការណ៍ S-70C របស់កងទ័ពជើងទឹកតៃវ៉ាន់ ហោះក្រវែលពីលើកងនាវា ពេលធ្វើសមយុទ្ធក្នុងច្រកសមុទ្រ បាស៊ី កាលពីថ្ងៃព្រហស្បតិ៍។ AFP
ក្រុងតៃប៉ិៈ
កោះតៃវ៉ាន់កាលពីថ្ងៃព្រហស្បតិ៍ បានធ្វើសមយុទ្ធយោធាមួយនៅក្នុងដែនទឹកក្បែរប្រទេសហ្វីលីពីនភាគ ខាងជើងជាការឆ្លើយតបចំពោះការសម្លាប់អ្នកនេសាទតៃវ៉ាន់ម្នាក់ បន្ទាប់ពីមិនព្រមទទួលយកការសុំទោសជាថ្មីសម្រាប់ការស្លាប់នោះ។
ឆ្មាំសមុទ្រហ្វីលីពីនបានបាញ់សម្លាប់បុរសនេសាទអាយុ៦៥ឆ្នាំ ម្នាក់កាលពីសប្តាហ៍មុន បន្ទាប់ពីពួកគេនិយាយថា ទូករបស់គាត់បានឆ្លងចូលក្នុងដែនសមុទ្ររបស់ហ្វីលីពីនខុសច្បាប់។ កំហឹងនៅតៃវ៉ាន់ជុំវិញឧបទ្ទវហេតុនេះបានកើនឡើងចំពេលខ្វះនៃការ សម្តែងវិប្បដិសារីនៅក្រុងម៉ានីល។
អាជ្ញាធរការពារជាតិតៃវ៉ាន់ បាននិយាយថា នាវាពិឃាតមួយកងតូចនាវាចម្បាំងពីរគ្រឿង និងនាវាឆ្មាំសមុទ្របួនគ្រឿងបានបណ្តែតខ្លួនទៅក្នុងដែនទឹកក្បែរ កោះ បាស៊ីដើម្បីពង្រឹងការទាមទារទឹកដីរបស់តៃវ៉ាន់នៅក្នុងតំបន់។
រដ្ឋមន្ត្រីការបរទេសតៃវ៉ាន់ លោកដេវិត លីន និងគ្រួសារអ្នកនេសាទរងគ្រោះបដិសេធមិនជួបជាមួយអ្នកតំណាងផ្ទាល់ ម្នាក់ដែលលោកប្រធានាធិបតី បេនីកណូ អាគីណូបានបញ្ជូនមក ក្នុងកិច្ចប្រឹងប្រែងដើម្បីរក្សាវិបត្តិការទូត។ លោកនឹងត្រឡប់ទៅក្រុងម៉ានីលវិញនៅពេលក្រោយក្នុងថ្ងៃព្រហស្បតិ៍។
នៅព្រលានយន្តហោះលោក Amadeo Perez បានប្រាប់អ្នកកាសែតថា៖«ខ្ញុំមកដើម្បីសម្តែងការសោកស្តាយ និងការសុំទោស របស់ប្រធានាធិបតី និងប្រជាជនហ្វីលីពីនជុំវិញការបាត់បង់ជីវិតដ៏អកុសលនិងអចេតនានោះ»។
លោក Perez ជាប្រធានការិយាល័យសេដ្ឋកិច្ច និងវប្បធម៌ក្រុងម៉ានីលដែលចាត់ចែងទំនាក់ទំនងជាមួយតៃវ៉ាន់ក្នុងពេល អវត្តមានទំនាក់ទំនងការទូត។
តៃវ៉ាន់បានចាត់ទុកការសុំទោសនេះ«មិនអាចទទួលយកបាន»ទេដែលការស្លាប់នេះ ត្រូវបានហ្វីលីពីនពណ៌នាថាដោយអចេតនា។
ភាពតានតឹងកើនឡើង បន្ទាប់ពីតៃវ៉ាន់កាលពីថ្ងៃពុធបានដាក់ទណ្ឌកម្មលើហ្វីលីពីនដោយ ក្នុងនោះមានទាំងបម្រាមមិនឲ្យជួលកម្មករហ្វីលីពីនថ្មី ការប្រុងប្រយ័ត្នការធ្វើដំណើរកម្រិតក្រហមដោយជំរុញមិនឲ្យពលរដ្ឋ តៃវ៉ាន់ធ្វើដំណើរទៅហ្វីលីពីន និងការផ្អាកការដោះដូរមន្ត្រីជាន់ខ្ពស់ពាណិជ្ជកម្ម និងកិច្ចការសិក្សា។
ប្រធានាធិបតីតៃវ៉ាន់ លោក ម៉ា យីងជាវបានទទូចសាថ្មីកាលពីថ្ងៃព្រហស្បតិ៍ថាហ្វីលីពីនគួរទទួលខុស ត្រូវជុំវិញការស្លាប់បុរសអ្នកនេសាទរូបនេះ។
លោកម៉ាបានថ្លែងថា៖«ខ្ញុំសង្ឃឹមថា ហ្វីលីពីននឹងយល់ថាពួកគេត្រូវតែទទួលខុសត្រូវចំពោះសហគមន៍ អន្តរជាតិ។ ការបាញ់ពលរដ្ឋស្លូតត្រង់ និងគ្មានអាវុធនៅលើលម្ហសមុទ្រគឺមិនមែនជាទង្វើមួយដែលបណ្តា អារ្យប្រទេសអត់ឱនឲ្យនោះទេ»៕ CC
ភ្នំពេញ ប៉ុស្តិ៍
No comments:
Post a Comment
Newer Post
Older Post
Home
Subscribe to:
Post Comments (Atom)
No comments:
Post a Comment