ផ្ទុះគ្រាប់បែក នៅបាងកក របួសមនុស្ស៧នាក់

បាងកក៖ ព្រឹត្តិការណ៍ ផ្ទុះគ្រាប់បែក នៅរាមកំផែង នាយប់ថ្ងៃអាទិត្យ ម្សិលមិញ នៅក្បែរសាកលវិទ្យាល័យ រាមកំផែង បានធ្វើឱ្យមនុស្ស ៧នាក់របួស។
លោក តាន់សារិ អគ្គស្នងការរងនគរ បាលជាតិថៃ បានថ្លែងនៅកន្លែងកើតហេតុថា ករណីបំផ្ទុះគ្រាប់បែកនេះ មិន ជាប់ពាក់ព័ន្ធនឹង ថៃភាគខាងត្បូងទេ។
យ៉ាងណាក៏ដោយ សភាសន្តិសុខថៃ នៅល្ងាចចន្ទនេះ នឹងបើកកិច្ចប្រជុំ វាយតម្លៃអំពីករណីថាតើមាន ការជាប់ ពាក់ព័ន្ធ ថៃភាគខាងត្បូងដែររឺអត់។
កន្លែងកើតហេតុ ត្រូវបានសមត្ថកិច្ចហាមឃាត់ មិនឱ្យដំណើរចេញចូលនោះទេ៕

ដើម អម្ពិល